# Ads-te hi i KLIK apiangin he site hi i tanpui tihna a ni.!!# I Sumdawnna Man Tlawm Tein Lo Phochhuak Ve Rawh. Rs. 500 Above.....Advertise Your Business Here.... Call 08638676841....

PHOTOGRAPHY

10 Jul 2018

PU HMANGAIHTHANGA’N NORTHEAST BEST FISH FARMER AWARD DAWNG

    July 10, 2018   No comments
Hmangaihthanga: Vawiin 18th National Fish Farmer Day 2018 leh Silver Jubilee, College of Fisheries, Central Agriculture University (Imphal) Tripura lawmna inkhawm Tripura a buatsaihah Pu Hmangaihthanga, Serchhip Zozam veng chuan Northeast Best Fish Farmer Award a dawng.




He National Fish Farmer Day leh College of Fisheries Jubilee lawmna inkhawm a ruala neihah hian Northeast huam chhunga State hrang hrang pasarih atangin Sangha khawia eizawngtu hlawhtling mi pasarih thlan chhuah niin State tin atangin mi pakhat theuh thlan chhuah an ni. Pu Hmangaihthanga hian tunah hian Sangha Dil pariat, 3.5 Hactares, a zau neiin a ramah Community Fish Pond tur a pe bawk a. Kuminah hian Sangha 20 qtls lai a tharchhuak a ni. Pu Hmangaihthanga hian Sangha dil tui paihna (drainage system) pawh bawlhhlawhin an hnawh pin theih loh turin a duangchhuak a, Fisheries Department chuan hetianga tui paihna hi MT Technology Drainage System tiin a hming an phauh sak nghe nghe a. Tin, BPL chhungkua ten intawma sangha dil an neih ve theih nan a ram zau tawk tak a donate a, he a ram pekah hian Sangha dil lian tak laih fel tawh niin kumin atanga Sangha dah hman tum a ni.




Pu Hmangaihthanga hi pa tlawmngai leh mi harsate lainat thintu niin a buh thar atangin Mosia Zem a siam thin a, chutah chuan a buh tharchhuah zawng zawngte atanga hmun thuma thena hmun hnih vel dahin mi harsa zawkten an mamawh/duh hun huna an ruh chhuah ve mai theih turin a phal rai thin a ni.

mizo chanchinthar

Vawiina National Day leh Jubilee hmannaah hian amah a kal remchan theih loh avangin a aiawhin a fapa Malsawmdawngliana’n a zu dawng a ni.

Serchhip DFDO Pi Zonuntluangi chuan, Serchhip District ah Fisheries Department in 2011 atanga Office nei tana hma an lak chhoh chhung hun reiloteah hetiang hlawhtlinna an chang thei chu lawmawm a tih thu a sawi a. Hei aia nasa zawka hma lak chhoh zel an tum thu sawiin Pu Hmangaihthanga a lawmpui tak zek tih a tarlang a ni. -DIPR

David Lalremruata - Hontrade International Ṭhazual Lengzem

    July 10, 2018   No comments
Jerusha hla tharHontrade International Ṭhazual Lengzem chart-ah a zawna pakhatna hauh thei dang an awm beh leh ta a, a hming chu David Lalremruata a ni. David-a hian a hla hit 'Jerusha' tih hmangin chart hmasa lamah khan pakhatna a lo hauh tawh a, tun tumah pawh khum thei an la awm lo. 

Lengzem hla ṭha tak mai 'Jerusha' hian thlan a hlawh hle a, chart-ah pawh a lang zing ta viau mai. He hla hi David-a irawm chhuak ngat niin, May thla khan tichhuah a ni. June 25 khan Music Domain Mizoram (MDM) chuan an YouTube channel-ah official music video hi an upload a, mi 14,600 chuangin an en leh der tawh. He hla hi tunlai lengzem hla lar leh ngaihthlak hlawh ber a ni mek. 

Tun ṭumah hian 'Ṭhian rinawm' tih hla hmangin Hlimhlimi chuan pahnihna a hauh. Armed Veng South nula hi chart hmasa lamah khan top 5-ah a lo lang tawh a, dinhmun a sawh nghet zel. 'Ṭhian rinawm' tih hla hi ama lehlin niin, music video hi June thla khan tlangzarh a ni. 

Manuna chuan 'Awmkhawhar changin' tih hla hmangin a dinhmun ngai, pathumna a hauh leh a, Idol star Mathlenga chuan a dawt. Mathlenga hian 'Vanglai nun' tih hla hmangin chart-ah dinhmun sang a luah zui zel a, mipui lamin an la ngaihthla kham lo. 




'Si Ar Te ' tih hla satu Sammy Vangchhia pawh parukna-ah bawk awm lehin, Sangkimi Khiangte chuan a dawt. 'In tello chuan' tih hla nena rawn inlar leh mek Sangkimi Khiangte hi chart hmasa lamah khan pariatna niin, rahbi khatin hma a sawn a ni. 

Hetih lai hian Aziri chuan top 10 hnu khartu nih reng a tum lo tih lantirin pariatna-ah a inhlangkai a, a hla 'Hmangaihna' chuan thlan a hlawh zui zel. Music video thar a tichhuah hnuah Josephine Lalawmpuii pawh a inlar leh tawh a, tun ṭumah pawh a sang zual zingah a lang leh bawk. 'Ka tan tahna mai maw' tih hla chu pakuana a ni a, Tza Ralte chuan hnu a khar thung a ni. 

Hontrade International Ṭhazual Lengzem  Top 10





1. David - Jerusha

2. Hlimhlimi - Thian Rinawm 

3. Manuna - Awmkhawhar changin 

4. Dj Lalvenhimi - A pawi emai 

5. Mathlenga - Vanglai nun 

6. Sammy Vangchhia - Si Ar Te 

7. Sangkimi Khiangte - In tello chuan 

8. Aziri - Hmangaihna 

9. Josephine Lalawmpuii - Ka tan tahna mai maw 

10. Tza Ralte - A kim ngei ang 

-Vanglaini

MIZORAM SUM EIRUKNA HI TIHTAWP NI RAWH SE - TAWNLUAIA

    July 10, 2018   No comments
- Tawnluia
Sr Vice President, MNF &
Chairman, MNF Action Committee


Kum 2008-a Congress sawrkar a lo pian atang khan Lottery hi duhsak zawngte nena sam inphiarzawm nan kan Chief Minister Pu Lal Thanhawla hian a hmang tangkai hle a. A duhsak bik vai sumdawngten duhtawkin vawiin ni thleng hian an chalai mawlh mawlh mai a ni. Mizoram sawrkar sum bawma lut a tlem tial tial a, a hlawkpuitu mi tlemte- te chan erawh rin phak bakin a tam uchuak hle thung.

Lottery-a thil dik lo inphum leh siamṭha tura sawrkar phut nan MNF Party chuan vawinga lai Press Conference kovin a lo puangchhuak tawh a. Heti chung pawhin kan CM hian Savawm khuaila ang maiin maimitchhing chungin a la hai buan buan zel tho a ni.

Kum 2011 December thlaa Lottery tender sawrkarin a chhuah chu vai sumdawng pali intiamrualte chuan a chhan theihna hniam ber, inzat vekin an vaiin an chhang vek a. Hetianga a chhangtu zawng zawngin a chhan theihna hniam bera an chhan hi tender chi hrang hrangah thil awm ngai lo a ni a.Tender chhang ve duh dang pawh lo awm ni se, chhan ve ngamawm miah lovin an intiamrual a ni tih a hriat theih nghal a ni. MNF pawhin hemi avanga sawrkar sum hloh tur tamzia thu March ni 6, 2012 khan Press Conference neiin a puang chhuak a. Lottery Committee pawhin tender ko ṭha leh turin rawtna a siam nghe nghe a, heti chung hian Chief Minister chuan Lottery Committee thu hi hnawlin notesheet-ah, “I am sorry, I do not accept the recommendation of the Lottery Committee.....” ti meuha ziakin, ni 29.5.2012 atanga 28.5.2014 chhunga Lottery kalpui turin an thlang lui ta tho a ni.




Sawrkarin sum a hloh mawlh mawlh chungin an hun a tawp hnuah pawh kum khat atan (29.5.2014 - 28.5.2015) an hun a pawtsei leh a. Chu an hun pawhsei a lo tawp hnuah pawh a zual zapui vailenhlo tih ang maiin kum thum atan (29.5.2015-28.5.2018) an hun a pawhseisak leh ta zel a.

Lottery kal dan hi a ṭawpzia hriain Sawrkar laipui chuan India rama sum hman dan chhui theitu sang ber Comptroller and Auditor General of India (CAG) a chhuitir ta hial a. CAG hian kum thum - 2012-13, 2013-14 leh 2014-15 chhung chauh an chhui a, hemi chhung hian Cheng vaibelchhe 118,08.77 Mizoram sum bawma lut tur chu lut lovin hnamdang vai company- te kutah a luh fai vek thu te, hei hi Lottery Regulation Rules 2010 kalh tlat a nih thu leh Cheng vaibelchhe 25.45 chauh Mizoram sum bawma a luh thu chiang takin CAG report hian a rawn tarlang ta a ni. CAG-in a chhui tel hman loh kum thum - 2015-16, 2016-17 leh 2017-18 chhung pawh hian hetiang zat vel bawka sawrkar sum hlohna rapthlak a awm ngei ang tih hi thil chiang a ni.

Lottery-a thil dik lo awm hi Competition Commission of India (CCI) beng pawh a thleng hial a. Anni pawhin an chhui zo tawh a, tunah Supreme Court thutlukna an nghak mek ta a ni.

Lottery-a thil dik lo rapthlak tak awm hi MNF mai bakah PRISM pawhin CBI chhuitir turin hma an lo la tawh a. May ni 12, 2017 khan Congress Bhavan-ah CM chuan Lottery hi CBI chhuitir MNF-in an duh chuan hma ka lo la vat ang tia a sawi laiin, vawiduailo MNF-in chhui tura a tih hnuah pawh Pu Hawla Sorkar hian vawiin ni thlengin hma a la la ngam lo a. Ni 29.6.2018-a Bhavan-a Lottery CBI chhuitir tura hma la ang leh CBI-in chhui tlakah an ngai lo nia a sawi hi dawt chiang tak a ni. Vawikhat mah Sorkar hian Lottery hi CBI chhuitir turin hma a la la lo zawk a ni. Hetianga hmui dawthei CM kan nei hi Zoram mipuite tan a vanduaithlak hle a ni.




MNF chuan dawhthei taka sawrkar ngaichang a, kumin 2018 May ni 28- a an hun pawhsei nawnna a lo tawp hunah tal chuan sawrkar a insiamthat kan beisei laiin tender maksak tak mai leh chu tender tihfel hma chu tuna an hnungthak hiahpuite Lottery chhunzawm char char theih turin thutlukna a la siam zawk ta deuh deuh a. Hei hian Mizoram mipuite min barakhaih takzet a ni. Tute emaw tana ṭha bik taka tender a chhuah hi titawp nghal tur leh an hun tawp hnu pawha CM duhsak bikten an la chhunzawm ta zel mai hi titawp nghal turin June ni 25 khan chanchinbumite kaltlangin mipuite hriatah kan puangchhuak a. Ni 27.6.2018-ah MNF Thalaite Lottery Director-ah kalin he thu bawk hi an va thlen leh a. Ni 28.6.2018-ah Finance Minister a office-ah kalchilhin a hnenah thlen zui leh a ni a. Heti chung pawh hian sawrkar chuan vawiin ni thleng hian beng min chhut ngawn sanin a la kal chhunzawm lui ta zel a ni.

Mizoram mipuiten kan chhawr ṭangkai theih tur, Lottery-a Cheng vaibelchhe sing tel Mizoram sum eirukna hi Mizoram mipuite hmakhaw ngaiin tihtawp ni rawh se kan ti a. Sawrkar hnena kan thilphutte hi tihhlawhtlin a nih hma chuan hma kan la chhunzawm zel dawn a ni.

9 Jul 2018

bru Mizorama lokir tawhte’n nawrh huaihawt an tum

    July 09, 2018   No comments
Tripura relief camp 6 a awm mek Bru hote an lokir huna cheng nuai tam tak chhungkaw pakhat pek tura sorkar laipui thutluknain a huam ve dawn loh chuan a lokir tawhte’n nawrh huaihawt an tum.

Bru Coordination Committee (BCC) chairman Pu Elvis Chorkhy chuan Mizorama mahni duhthu a kir tawhte leh sorkarin kir hun a siama kir tawh Bru chhungkaw tam takte aiawhin sorkar laipuiah he thu hi an thlen fo tawh niin a sawi a. Tuna relief camp-a la awmte’n cheng tam tak an dawn lai a sorkar thuawiha lokir tawhte’n tlemte chauh an dawn kha rintir an nih dawn chuan an lungawi dawn lo tih Pu Chorkhy chuan a sawi a. Joint Monitoring Group-ah leh Ministry of Home Affairs-ah pawh he thu hi thlenin an duhdan hi tihpuitlin a nih loh chuan khaw tinah lungawi lohna an lantir tur thu a sawi a ni.




Home department Additional Secretary Pu Lalbiakzama chuan Bru chhungkua lokir tawhte chungchang hi sorkar laipui-ah pawh an thlen sak thu AIR a hrilh a. Sorkar laipui pawhin a thuphungin rem a ti a, chhawmdawlna hi tuna camp-a la awm leh lokir tawhte pek vek an nih dawn chuan cheng vaibelchhe 500 chuang sen a ngai dawn niin a sawi a. An chhut dan hi sorkarah an thlen tawh niin a sawi.

Tunhnaia Union Home Minister leh Mizoram leh Tripura chief minister-te inhmuhkhawmnaah Bru lakkir hna hi September ni 30 hma a thawh zawh ni se tiin thutlukna siam a ni a. Bru lokir te hi chhungkaw tin cheng nuai 4 an bank account-ah kum thum hnu a lak chhuah theih turin dah sak an ni ang a, insakna atan cheng nuai khat leh sing nga pek theuh an nih dawn bakah kum hnih chhung chhungkaw tin thla tin cheng sangnga pe in a thlawnin ration an dawng bawk dawn a ni.

Sinlung Hills Council CEM Tura Rin Lalthalien

    July 09, 2018   No comments
SINLUNG HILLS COUNCIL: Sinlung Hills Council (SHC) a sorkar lailawk (Interim Council) tur chu tunkar tirlam hian hriattirna chhuah tum a ni a, Pu Lalthalien chu chief executive member a nih rin a ni.
Sinlung Hills Council CEM  Lalthalien

Home department atanga thudawn danin hriattirna hi vawiin Thawhtanni emaw hian tihchhuah hman tum a ni a. Tun hnaia Mizoram Assembly in a pawm tak The Sinlung Hills Council Act, 2018 leh a rules-in a tih ang thlapa hriattirna hi chhuah tur a nih avangin June thla khan an chhuah hman ta lo niin an sawi a. May ni 31 khan tuna Sinlung Hills Development Council sorkar hun kha a tawp tawh a. Interim Council hi din thuai tum a ni.




HPC (D) leh Mizoram sorkarin April ni 2 a inremna thuthlung an ziah dan chuan SHC hian member 14 a nei ang a, 12 te chu mipui thlan niin member 2 chu sorkar ruat tur a ni a. Council sorkar khaipa ber tur chu chief executive member (CEM) niin a thawhpui tur Executive Member an awm ang a, chairman leh deputy chairman an awm bawk ang. Interim Council CEM atana ruat tura rin Pu Lalthalien hi inbiakna a HPC (D) palaite hotu, a hnu a political level a inbiaknaah pawh an thupuangtu kha a ni. - AIR News Aizawl

8 Jul 2018

Non-Mizo truckers plan counter-blockade against Mizoram

    July 08, 2018   No comments
latest news mizoramAIZAWL, July 8: To counter the Mizoram Tipper Association’s (MTA) blockade against ‘outsider trucks’, Silchar-based Forum for Protection of NonMizos has decided to impose an indefinite blockade on National Highway 54, the main economic lifeline of the State. 

MTA, an umbrella organisation for tipper truck operators in Mizoram, launched a blockade against trucks operated by non-Mizos outside the State, prohibiting them from entering Mizoram since July 8, in protest against alleged registration of non-tribal trucks in the tribal State. MTA president Lalzarmawia alleged that nearly 50 commercial vehicles (trucks) owned by non-indigenous people who are “outsiders”, have been registered in Mizoram in violation of the Central Motor Vehicle Rules, 1989. 





“As per the rules, owners of commercial vehicles are not allowed to register outside their domicile State or without valid documents. The non-tribal truck owners have violated the Eastern Bengal Frontier Regulation, 1873, and worked beyond the subjects permitted by Inner Line Permit (ILP),” he said and demanded the Mizoram Government to annul such “illegal registration.” 

According to MTA, about 100 trucks from outside Mizoram are currently operating in the State. Defying the blockade, about 18 trucks from Lailapur and Bagha in Cachar district, carrying bricks and sand entered Mizoram on Friday night. These trucks were pushed back from Kolasib town in northern Mizoram by MTA members. It was after this incident that Forum for Protection of NonMizos announced its decision to blockade the National Highway.  - Correspondent, Assam Tribune

MNF remembers Laldenga

    July 08, 2018   No comments
MNF remembers LaldengaAIZAWL, July 8: Mizo National Front (MNF) leadership led by president and former Chief Minister Zoramthanga paid tribute to their founder president and legendary leader at his tomb at the War Memorial here on Saturday morning on the occasion of his 28th death anniversary. Zoramthanga, Laldenga’s widow Lalbiakdiki and other MNF leaders laid wreaths on his tomb. 

Laldenga died in London on July 7, 1990 while returning from New York where he underwent treatment for terminal cancer. Speaking on the occasion, Zoramthanga said Laldenga planted the seed of nationalism among the Mizos. “God gave the Mizos a nation, a religion and land. Then Laldenga gave us a sense of nationalism to safeguard what God had given to us,” he said. Zoramthanga, who had been the CM of Mizoram for 10 years (1998-2008), was not just secretary to the legendary Laldenga who launched the movement for a sovereign Mizoram in 1966, but also remained number two to him throughout the armed struggle till it came to a close in 1986.





Born on July 11, 1927 at south Mizoram’s Pukpui village in Lunglei district, Laldenga joined the British Indian Army in 1944 and formed the Mizo National Famine Front in 1959 while Mizoram was reeling under a great famine called ‘Mautam’ caused by gregarious bamboo flowering which resulted in population explosion of rodents in the late 1950s. In 1961, he transformed it into a political outfit and re-christened it as Mizo National Front that waged war against India from March 1966. Assam Govbernment’s alleged failure to rush the needed supplies in time to its eastern most district added salt to the wounds. 

The MNF declared independence on March 1, 1966 plunging Mizoram into a disturbed State for 20 years before signing peace accord on June 30, 1986 and Mizoram became a full-fledged State on February 20, 1987. Laldenga became the first CM after MNF won the 1987 Assembly polls, but after 19 months, President’s Rule was imposed in the State. Suffering from lung cancer, he was treated at a cancer institute in New York and he died in London while returning home on July 7, 1990. - Correspondent, Assam Tribune

Contact Form

Name

Email *

Message *