KHAWVEL HMASA leh RAMHUAITE

By Larrick Ralte   Posted by  Chhuana Phutin

KHAWVEL HMASA leh RAMHUAITE  

Thuhma: Gap Theory chu ka rawn dah chhuak ta a, Gen 1:1 leh Gen 1:2 inkar ah gap, kum sang, sing, maktaduai a lo awm reng theih zia chu in chhiar ta a. Chu gap hnulam chu tun a kan khawvel hman mek, Adamic Civilisation hi a ni a, a nih leh gap hmalam ah chuan enge awm, eng khawvel nge ni ngai reng reng tih lo bih leh thung ang aw.

Bible ah verse nei thlap thlap in a awm kher lo a, a chhan chu Bible hi mihring sual a tlu te chhandamna atana ziah a ni ber a, a piahlam chu beisei vak chi a ni lovang, Mizo thlang tlak dan pawh ziah a nihloh hi maw, chuvang chuan Bible hi kan va dahhniam ta kher chuang lo bawk. Tin, secular khawvel  phei chuan a sawi  tlem khawp. Chuvangin Bible pumpui summarize a, ancient myths nen kan han din chhuak dawn chhin ang e. Fan loh ram fang ang aw……….

Tin, kristian te tan, chhandamna atana a pawimawh lemlo, mahse hriattlem hian bum hi kan nuam ta thin a, hriat tur awm ang ang chu i han dapkhawm dawn teh ang.

Gap Theory hi sawidan version hrang hrang a awm nuam mai a, keiin a ka rawn dahchhuah tawh kha chu keima version ve liau liau a ni bawk. Gap Theory ringlotute ptanchhan lian ber zing a pakhat chu he kan chenna khawvel hi chutia khawvel hmasa ruang chung a din vel mai mai a nih chuan a va ropui in a va perfect lo dawn ve tih hi a ni a. Tih tak tak ah chuan, he lei a Kum sang rorel, Lei thar Isua in a rawn din tur pawh hi kan khawvel hmanlai ruang chung ah tho hian a nidawn tih hre leh bawk ila, Pathian in a tha e, a tih chu kei nin a tha tawklo ah chuan kan ngaih lem dawnloh hi maw,

TUN AH THUPUI AH:

Genesis bung khat a Pathian in lei leh vante a siam thu ziah anih hian Pathian in a siam thu sawilan ni ve lo thil pahnih an awm a, chung te chu TUI leh THIM te anni. A siam chu ni teh meuh  mahse, lo awm sa, lo awm lawk anni zawk ani. Science chuan THIM chu awm pawh ni lo, absence of light hi a ni mai an ti a, chu chu a dik chiah tho, science version atang chuan, mahse Bible pumpui atanga THIM sawina hi curse a ni deuh vek zel mail eh science atang vek in thim ah chuan photosynthesis a awm theilo a, chuvang in thim hian nunna chimihna lam a hawi tho tho tih pawh hi hre hmasa leh bawk ila.

Chuan an pahnih(TUI leh THIM) hian hremna leh thenfaina hmanrua ve ve ang in Bible pum ah hian hman anni fo thin. Bible pawn ah pawh tlenfaina leh thenfaina (cleansing and purification) ah hman anni bawk. Thil bal reng reng chu TUI in kan silfai thin a(Baptisma leh Nova hun a tuilet ngaihtuah bawk la, thenthianglimna lam hawi anni ve ve).

THIM  chu NUNNA tih chimihna anchhia ani bawk(photosynthesis ngaihtuah la)

Engatinge mihring pawh siam annih hma, an la bawhchhiat hma hauh a tui leh thim chu an lo awm lawk? Khawmual lang reng reng lovin tui a tlim hmur a, a thim mup mai bawk a, enge a chhan ni ang le? A chhanna awmchhun chu HREMNA LEH ANCHHIA hi ani.

Anih leh Pathian chuan enge a hrem, tunge a hrem, engvangin nge a hrem?

Tin, chu chuan mihring te hi a rawn nghawng phak ang em? Hriat a tul em? Khawvel hmasa chu alo awm reng em? Nunna hmasa chu alo awm reng em? Zawhna hlir, zawhna hlir in a khat tlat a ni.

Archealogist- te leh scientist ten hmanlai fossils an lai chhuak a, leilung upat zawng an chhut a, ransa mak tak tak leh upa tak tak fossils an laichhuak a,Nova lawng a leng reng reng lo tur ransa ruhro lian pui pui te an lai chhuak a. Bible a Adama siam anih hunlai kum nen a mak a mak in an thlau a bawk si?

Hemi rah chhuah chu mithiam leh zirchik te zing ah Bible leh Kristianna rinhlelhna a lo piang chho ta nghal a, Kristian mithiamho zing ah sawifiahna chi hrang hrang a lo chhuak a, thilsiam a ni te kha nikhat nilovin kum maktaduai tel pawh a ni thei te an rawn ti a, an inhmin tawn lem lo. Kei in a he post kaltlang a ka rawn sawi chhuah tum ber chu -heng fossils te hi Adam khawvel ami anni theilo tih hi a ni. Tin, chung ransa lian fossils te chu Adama ransa anni theilo bawk.

Mipakhat, he thu a a changtupa, mihring ten he thu hi kan hriatfiah hlau em em mai a awm a, a hming diktak chu Pathian anchhelawh tawh anih avangin chatuan atan thup bo ani tawh. Chuvangin a hming diktak nilo Setana, Lucifer, Diabola,adt a koh ani ta  zawk bawk.

Adama khawvel lo awm ve hma daih hian Lucifer khawvel chu he lei ah ngei hian a lo awm tawh ani tih ngaihdan hi mitam zawk chuan thil awih awm lo, Pathian sawichhiatna ni hial in an ngai a. Tin mitam zawk in kan lo pawm dan sa  a rawn kalh avangin he ngaidan hi pawm mai chu a har bawk. Mahse tunlai a Bible leh Science inkalhna lian ber mai, mi tamtak in a Bible an hmuhnep na chhan leh Pathian hial an rinhlelhna chu he theory hian a rawn chingfel nalh em em mai si a ni.

Isaia 14:12 hi chhiar mai chuan Lucifer-a hi van ata alo tlak avang in van a awm thin angin kan ngai mai awm e, kan hmuhkan tak chu ‘vanah ka chho ang a….’ tih hi ani. Van a chhoh chak chu vanah a awmlo tihna ani zawk. Awm nise chhoh a chak lovang. Setana permanent address chu he khawvel hi anih hmel ta zawk a nih chu. A thuneihna hi he Solar system hi a nih hmel a, Cherub, Guardian Angel anih hmel zawk. Milem biakna sakhaw diklo in an hual luih luih chu NI(sun) hi ani tlat a ni. Solar calendar avanga Pathian in a ngaihpawimawh em em Sabbath ni diktak leh Isua thihni Good Friday diktak thupbo anih thu pawh kan zep tel hram. Hundang ah kan la chhui ang chu. Jewish Luni-Solar calendar ah chauh lo chuan Sabbath leh Good Friday ni diktak hi a diklo vek anih chu.

Chu Guardian Angel chu a posting ah a lungawi zan lo a, Pathian dinglam a Mikaela, Vantirhkoh chungnungber nen post transfer a sual ta a, van indona(war nilo, rebellion zawk) alo chhuak ta anih hmel. SUAL BUL chu Pathian rorelna a LUNGAWILOH atanga intan a ni chiah bawk. He lei a a enkawl tur nunna zawng zawng pawh chu a helpui avangin Pathian in TUI leh THIM hmang in nunna hmasa chu a chimih ta vek a, minung hmasate (Adama thlah mihring nisilo) chuan nunna thing anlo ei hman anih hmel(???), tuna ramhuai(demons te hi fallen angels ho nen an inanglo) kan tih ho hi annih hmel.

An fing lem lo a, ze hrang hrang, vir tak, luhlul tak, hur, nunrawng, ti deuh, thatchhe deuh, dawihzep deuh, te anni nuaih hlawm. An mahni ho pawh inngeihlo ve em em mai te anni hlawm tlat bawk. Greek leh Babylonian Mythology lam tuilo tan chuan kum zabi 21 na ah hian a awihawmloh hial zawk ang. Hmanlai chuan taksa nei annih a rinawm na chu taksa an la lunglen em em tlat mai hi a ni. Tin chenna(dwelling place) an la mamawh tlat mai hian a ti rinawm bawk. An tihtheih sang ber pawh taksa tihnat ani ber. An chanchin sawina reng reng ah hian an movement pawh he  lei a vak vek(wandering to and fro) hlir zuk ni a, fallen angels te chanchin sawina ah thung chuan an movement hi chhuk leh chho ( up and down) zel a ni bawk.

Heng demons ho te hi Isuan mitdel, tawngtheihlo, zeng, bengngawng, thla em at, adt, a  tihdam a, a hnawhchhuah ho kha anni. Hnawhchhuah theih anni a, hnam hrang sakhua  a witch doctor(mizo bawlpu) ten an beih berte kha heng ho hi anni, thawm bengchheng leh vaupung pawh a hnawhchhuah hi hnam zawng zawng in an lo tih thindan chu ani.

Tin, hlauhtlawn leh eitur leh serh leh sang hmanga veh thlem theih anni bawk. Vawk kawchhung, inchhung, thing, lung, lui, dil, adt ah chen nuam anti tlat thin. Zirchian chuan demons ho hi earthbound creatures anni tih hi a rinawm em em ani. An fossils chu tuna fossils fuel lei hnuai atanga kan laichhuah, kan hman mek hi  anih hmel bawk.

Vantirhkoh tlusualte erawh chu class dang daih anni, anni ho chuan mihring taksa an possess ngailo a, tin, earthbound creatures annih lo a, higher life form annih avangin mihring taksa hi an tan chuan a hniam lutuk, taksa an tina ngailo a, rilru(mind) leh chakna leh duhthlanna ah min beitu te hi anni.

Chutichuan kan hual zim sawt ta viau mai a, he lei ah hian mihring siam anih hma daih hian reptilian civilization a lo awm thin tih chu science pawn a pawm ngei tawh bawk. Chu reptilian civilization chu Bible ring popular creationist-te chuan Ni 6 ni a, ransa siam ah diak khan an ngai ta a, chuvangin Genesis creation day chu ni khat(24 hrs) nilo, kum sang, sing chuang sawina ah an interpret eta mai reng a ni. He ta kan sawifiah tum ber pakhat chu, he reptilian civilisation hi Genesis creation days hma daih a lo tih boral tawh civilization chu a ni thei em tih zawk chu a ni ta a ni.

Chu khawvel hmasa chungchang chu theory pawh a tam a, excavations leh evidence pawh a tam a, he group ah pawh hian Big Daddy te pawn an rawn post fo tawh te kha anni. Chung zing a langsar zualte chu Lost Atlantis te, Japanese underwater pyramid te hi anni.

Chu khawvel hmasa a an guardian angel chu Lucifera hi a nih hmel a, a hnuai ah vantirhkoh maktaduai em ni a nei bawk a, a hel khan chung vantirkkohte zing a 1/3 chu a helpui chin chu annih mai hmel bawk. Universe pumpui a heavenly host zawng zawng atanga hmun 1/3 han helpui em tur in Lucifers hi a popular tawkloh zia pawh Joba bu ah kan hmuh kha. Khatia Vanirhlohte an zaikhawm khan Setana chu a rawn kalve a, an lo hriat miah loh kha. Self introduction te pathian in a neih tir chawp ta vel mai mai a nih kha. Tin, he Setana domain hi solar system ai hian a zaulo a nih a rinawm nachhan em em pakhat chu, True worship atanga penbona zawng zawng sakhaw diklo te hian an central worship ah hian NI hi zuk hmang deuh vek a! Hmanlai khan Solar system piahlam ah sakhaw diklo hi an hmelhriatlo hrim hrim a nih chu.

A va sei dawn ve mawle, khaikhawm tawp mai the ang – he khawvel ah hian hmakhawsang ah, Genesis a ni 6 chhung a Adama khawvel tan a thilsiam hma daih khan, he khawvel ah ngei hian life form hnuaihnung zawk a lo awm tawh thin a, chu chu animal kingdom a ni a, chung zing ah chuan reptileans ho an chungnung ber a, an race a Lal hnam chu dragon ho hi annih hmel a, chu dragon chiah chu a hnu a rawn in materialize a, rul ang a lokal kha a nih hmel, tunlai rul ang tleng zer zer sa nilovin.(Liviathan leh Behemoth te family zawk).  An guardian angel in a helpui a, nunna thei an lo ei hman nge ni an immortal ta hrih a, chungte chu tunlai a demons leh daimonians, ramhuai ho, hmanlai a pagan gods ho zawng zawng kha an hlimthla nen an inzul vek bawk nia.

Sawi zel chuan Aliens counterfeit lam, Annunakis, Nordic leh Grey lam kan hrut chho dawn tlat, tah hian rek bung ang aw.    

 NB: Chik chuan tunlai naupang cartoon leh Animation ah reng reng, heng Animal Kingdom te hian naupang thinlung ruak a an mahni ngaihsanna tur a hma an lak nasat zia in hrethiam mai bawk ang.

---------------------------------------------------