"I tan eng nge hlawkna awm? I lo sawisel a ngai lo" tihte, "Thlarau Thianghlim sawi chhia chu ngaihdamna an chang lo ang" tihte, "Lo buai ve suh. I chan loh ram a nih hi" tihte hi heng ze khel inti ho tantute min chhan dan a ni. Mahse ringtu tha chuan kalsualna kan do tur a ni a, midang an bum ve tur hi kan ven a ngai. Ze khel intite hian Zawlnei Ezekiela te, Hosea te an intehkhina chang sang bik em em angah an inngai a, a ngaihtuaha thil awm apiang hi Pathian thlarau hnathawhah an ngai thin. A hma khan chhun leh zanah nula leh tlangval puan inzawnin an mu a, Zorama sex san zia entirna niin an sawi a. Mahni rilrua awm ang tih kha Thlarau Thianghlim hnathawh angah an ngai tlat. Mihring tisa chakna mai a ni. Mahni tihchak zawng tih hnua Thlarau Thianghlim puh ngawt mai hi Thlarau Thianghlim sawichhiatna a ni thei tlat.
Chuan hei zu an inleh tak tak ta. Hei phei hi chu zirtirna dik lo leh Pathian inpuan chhuahna a ni lo hrim hrim. Mizote hi kan pi leh pute hun atanga zu in kan ni. Tuna taka ze khelh hmang chan chiam a ngai lo. Tin, tunlaia kan ram sualna leh min tibuai bertu zawk chu No. 4 leh Meth te hi a ni awm e. An khelh thelh nge an ze khelh leh turah hian No. 4 a tel leh dawn. Tuna an kal dan en chuan an kohhran an zalen bawk a, No. 4 pawh an inchiu leh tak tak hmel ta hle mai. Sawn pawh a tak ngeiin an pai dawn a nih hmel, nge rai lohna damdawi an ei tak tak zawk dawn? Zu an in tak tak chuan sex pawh hman tak tak a tul hun a la awm ang(An lo hmang daih tawh zawk nge tih chu ka hre lo).
A tawp berah chuan hetianga ze khel ho I tawngtaipui mawlh mawlh ang u. Anmahni hi chuan nuam an tilaklawh tawh pawh a ni mai thei a, kan khuaah chuan 'au' tho tho ang tih ang deuhin anmahni hrilhin awmzia a nei lem lo mai thei. Mahse midang an tihhmuh theihna tur lakah kan ven a ngai a ni.
Misual chu ni ve tho mah ila, kan sual sualin kan sual mai. Thlarau Thianghlim kan puh ve ngai lo. Engpawhnise an kal dan hian eng rah tha mah a chhuah lo ang. A hnua zak chem chem tur an ni tiin kei misual hian ka hrilh duh a ni.
Post a Comment