HRANGCHHUANA
Ka suihlunglên a zual nunhlui liam hnu ngaiin,
Zamual liam hnu kan hlimlai ni zawng kha;
Koh kîr theih chang si lo zamual an liam ta,
Suihlunglêna zaiin ka au ruai ruai che nunhlui.
Si-âr Hrângchhuan, vân zâwl mawitu ka thlir chang nà te hian,
Fam chang tawh hnu ka lenrual hlui zawngte ka ngai thin;
An sulhnu leh hlimthla mai zawng ka suihlunglên an hnêm si lo,
Pâr ang kan vullai ni zawng kha zamual an liam mai tur ka ngai ngam lo.
Hlimzâi kan váwrna rûn mahtê-a nghah changin,
Ka dâwn kîr thin nui hîauva kan hlimlai;
Hun her zel hian lungduh samang min thentir,
Tawh leh ni awm ang maw hmangaih lenrual lungduhte?
Hmânah suihlungruala kan tuanna mual zawngte,
Mahtê-a fan changin lunglen a zual;
Chhêmdam thlifîm leh siktui thiang an luanna,
Engdang dâwn lo renga hlimten sakruang kan bualna.
Post a Comment