Director General of Police (DGP) Thianghlima Pachuau chuan, Police department-in police constable tur a lak mekah, insawipui awm mah se, insawipuiin awmzia a neih loh thu a sawi. Mizoramah police battalion pariat a awm a, chu'ngah chuan thawktu mi 5,362 an awm mek a ni.
Mizoram Police hotute chuan nimin khan DGP pisaah thuthar thehdarhtute kâwmin, police constable tur lakna kal mek an sawifiah a; DGP Thianghlima Pachuau chuan, police tur lakna chu a dik (fair) tâwk tih sawiin, "Dik takin kan ti mek a, 'An fair leh chuang lo ang,' an tih hi chu dâwt a ni," a ti.
Insawipui an awm leh awm loh zawhna chhangin DGP chuan, "Insawipui chu an tam mai, mahse, insawipuiin awmzia a nei dawn lo. Kan lak dan tur chu merit a ni tawp mai," a ti a; minister/MLA-te sawipuiin awmzia a neih loh tur thu leh Home Minister phei chuan insawipuina lehkhate chu hâl nghal zel tura a tih thu a sawi.
IGP Zorammawia chuan, police constable tur lâkna chu a fair tâwk thu sawiin, tlân, high jump leh long jump-ahte vawi thum tih nawn theih a nih thu a sawi a; writen exam-ah zawhna inang vek ni mah se, zawhna chu A, B, C leh D-ah ṭhen an ni a, bul hnaia mite nen zawhna number a inan loh thu a sawi a ni.
Exam-naa mobile phone ken luh chungchangah IGP chuan, "Phone kan check a, mahse kan laksak lo," a ti a; exam neihna RG Stadium-ah internet a chak lo a, chuvang chuan internet hmanga entawn anga sawi awm chu rinthu mai mai a nih thu a sawi.
Thianghlima Pachuau sawi danin, police constable tur laknaah hian physical efficiency test paltlang mi 10,623 an awm a, mipa 8,812 leh hmeichhia 1,811 an ni.
Written exam chu armed branch (AB) tan November 3 leh unarmed branch (UB) tan November 4-ah RG Stadium-ah buatsaih a ni a; UB-ah hian mi 5,400 (mipa 3,772 leh hmeichhia 1,628) inlanin, AB-ah mi 7,131 an inlan thung. Physical test leh written exam neih chhungin dan loa thil ti mi (candidate) pathum man an ni.
DGP chuan, written exam result chu November 27, 2017-ah tihchhuah tura ruahman a nih thu a sawi a, "Written exam result hi peih a ni tawh a, result puan hun hi kan sawn hma mai thei a, November 24 emaw, November 25 emaw-ah kan puang mai thei," a ti.
Home department chhinchhiah danin, tun dinhmunah Mizoram Armed Police (MAP)-a battalion pathum leh Indian Reserve Police (IRP) battalion pangaah thawktu 5,362 an awm a; post awm zawng zawng chu 7,368 niin, post hnawhkhah loh 2,006 a awm.
Police battalion zinga thawktu tamna ber chu 3rd. Bn. MAP a ni a, thawktu 777 an awm. Thawktu tlemna ber chu 4th. Bn. IR a ni a, thawktu 591 an awm mek a ni.
| Police Battalion-te dinhmun | ||||||||||||||||
| Post hming | 1st. MAP | 2nd. MAP | 3rd. MAP | 1st. IR | 2nd. IR | 3rd. IR | 4th. IR | 5th. IR | ||||||||
| Post | Thawktu | Post | Thawktu | Post | Thawktu | Post | Thawktu | Post | Thawktu | Post | Thawktu | Post | Thawktu | Post | Thawktu | |
| Commandant | 1 | 1 | 1 | 1 | 1 | 1 | 1 | 1 | 1 | 1 | 1 | 1 | 1 | 1 | 1 | 1 |
| Dy. Commandant | 2 | 2 | 2 | 1 | 2 | 1 | 3 | 3 | 3 | 3 | 3 | 2 | 3 | 1 | 3 | 3 |
| Asst.Commandant | 6 | 6 | 6 | 5 | 6 | 6 | 7 | 5 | 7 | 4 | 7 | 5 | 7 | 4 | 7 | 7 |
| Inspector | 9 | 9 | 9 | 9 | 9 | 9 | 9 | 9 | 8 | 8 | 8 | 8 | 8 | 8 | 8 | 8 |
| Sub. Inspector | 24 | 24 | 24 | 24 | 24 | 24 | 24 | 24 | 24 | 24 | 24 | 24 | 24 | 24 | 24 | 23 |
| Havildar | 120 | 117 | 120 | 116 | 120 | 120 | 120 | 115 | 120 | 97 | 120 | 108 | 120 | 95 | 120 | 114 |
| Naik | 75 | 75 | 75 | 75 | 75 | 75 | 75 | 75 | 75 | 73 | 75 | 74 | 75 | 72 | 75 | 74 |
| Constable | 545 | 350 | 545 | 386 | 545 | 408 | 545 | 248 | 545 | 339 | 545 | 306 | 545 | 283 | 545 | 286 |
| Driver | 45 | 45 | 45 | 42 | 45 | 45 | 45 | 43 | 45 | 42 | 45 | 43 | 45 | 43 | 45 | 44 |
| IV Grade | 68 | 67 | 68 | 66 | 68 | 66 | 68 | 54 | 68 | 62 | 68 | 49 | 68 | 47 | 68 | 67 |
| Ministerial/Steno | 14 | 9 | 14 | 7 | 14 | 12 | 14 | 8 | 14 | 7 | 13 | 9 | 13 | 8 | 13 | 12 |
| Medical staff | 15 | 11 | 13 | 9 | 14 | 10 | 11 | 7 | 11 | 7 | 10 | 5 | 10 | 5 | 10 | 5 |
Source: Vanglaini
Through these websites, you will be able to peak at the real public records that consist of genuine information about any other individual. You will then be able to see for yourself if that individual can truly be relied on or not.
ReplyDelete