Image result for aizawl taxi garageAizawl: Coordination Committee on Traffic Management-in November 2017 hma ngeia lirthei neitu ten a dahna garage an nei ngei tur a ni tih chu khauh taka kenkawh tum a ni a, garage nei lote chu pawisa chawitir zel tum a ni.Aizawl: Coordination Committee on Traffic Management-in November 2017 hma ngeia lirthei neitu ten a dahna garage an nei ngei tur a ni tih chu khauh taka kenkawh tum a ni a, garage nei lote chu pawisa chawitir zel tum a ni.
Working group chairman Lalbiakzama’n Zalen a hrilh danin Traffic Police leh Transport thawktute nen tangrualin khawlai an fangkual ang a, a nei lote chu pawisa chawitir zel an tum tih a sawi a. Karleh hian meeting neiin an kal zel dan tur chu an rel dawn niin a sawi.
Aizawl Municipal Corporation (AMC) chuan Aizawl khawpui veng hrang hrang Local Council te hnenah an veng theuha lirthei awmzat survey tur leh garage nei leh nei lo chhinchhiah turin a ti a, hriat theih chinah Local Council 83 atangin veng 28-in report hi an thehlut tawh a ni.
Traffic SP C.Lalthanmawia chuan garage nei tura an tih chhan ber chu kawngsir lirthei ding hnawkte then faina atan a ni tih a sawi a. Tuna an hmalakna hian traffic jam a tihziaawm an beisei bakah motor pung chak lutuk pawh a ven an beisei tih Zalen a hrilh bawk.
Mizoram sawrkar chuan October 1, 2016 atang khan thuchhuah siamin lirthei neitute chu thla 12 (November 2017 thleng) chhunga lirthei dahna ‘garage’ nei vek turin a hriattir a. Kum 2013 atangin lirthei register thar tur reng rengin a dahna ‘garage’ an nei tur a ni tiin hriattirna a lo tichhuak tawh bawk. Thudawn danin Aizawlah ni tin lirthei 30-40 inkar register thin a ni.

Post a Comment

Powered by Blogger.