A saw raltiang lentu Zobawn saw,
Chhingmit titlaitu tuk loh ram chhah kar saw,
Mi ngeng pasaltha, lungtilengtu,
Buannel ram dai lungdumtu
C. Vansanga hi kum 1960, July ni 13 khan, Pu Lalthansanga (L) leh Pi Vanngurliani (L) te inkarah a lo piang a. An unau hi 6 niin mipa 3 leh hmeichhia 3 an ni. A theih ang tawka lehkha te zir chho ve in, Parishad English Medium School, Shillong ah te, Mizo Modern School, Shillong-ah te a kal thin. Matric thleng a zir a ni.
Kum 1982, Feb ni 23 khan Chawnghmingthangi nen inneiin, fa 5, mipa 4 leh hmeichhia 1 an nei a. Amah hi Forest Department ah Sawrkar hna thawkin, Republic Veng, Aizawl, T.Romana College bulah in leh lo neiin an khawsa mek a ni.
Kohhran lamah NEI UPC ah a awm a. Tlawmngai pawl hrang hrangah nasa takin a inhmang a. Zai lamah te nasa takin a inhmang chho bawk.
 |
| C. Vansanga |
Hla hi 20 vel a phuah a. Amah hian a Cassette-ah leh Radio-ah te a sa deuh ber. Kum 1974, kum 15 a nih lai vel atangin a zai chho tan a. Kum 1975 khan hla a phuah chho tan bawk.
Lawmman chi hrang hrang hengahte hian a dawng bawk:-
1. Singing Competition MZP Shillong - 1977
2. Thalfavang Kut, Shillong, 1979
3. Chapchar Kut, Aizawl, 1981.
4. Ainawn Pick You Pop - 1981
5. Lelte Award - 1982 to 1992
6. Singer of the Century - 2000.
7. Certificate for appreciation from USA International Mizo Welfare.
Tin, AIR, Aizawl-ah hian hla 100 chuang zet zawt a thun tawh a. Cassette hi 12 vel a siam tawh bawk.
A hla sak lar zingah chuan a U Ch. Malsawma hla phuah “Buannel ram dai” tih hla chuan mite hriat a hlawh hle a. He hla hi hla lunglenthlak tak mai a ni a. Mizo nunzia a tilang chiang hle a, a satu hian a sa thiam bawk a, a larpui hle a ni. -Lalremruata Ralte
Post a Comment