Mizoram chhunga football inelna sang ber Mizoram Premier League Season 6-a mimal lawmman dawng thei tur chu nimin khan MPL Board-in a puang a, league round-a pakhatna Chhinga Vengin player paruk thawhin thawh hnem ber an ni.

Mizoram Premier League Chanchinthar


Image result for mizoram premier leagueI League club Aizawl FC-in player pali thawhin Chhingcows dawtah an awm a, Mizoram Police-in player pathum neiin Bethlehem VT, Chanmari FC leh Chanmari West FC ten player pahnih á¹­heuh an thawh a, Ramhlun North-in player pakhat neiin MPL aá¹­anga relegate Dinthar FC player aá¹­anga thlan an awm lo.

Best keeper thar!

MPL hmasa paliah Aizawl Venglai tlangval Lalawmpuia'n best goalkeeper chawimawina a dawng vek a, season liam taa best goalkeeper Malsawmdawngzela nen tun season nominee-ah an tel lo a, best keeper thar an awm dawn tihna a ni. Aizawl FC keeper AwP-a hian khelhna hmun a chang tam tawk lo a, Mala hian Dinthar FC a chet á¹­hat pui lo.

MPL semifinal thleng phak zingah Mizoram Police an lang pha lo a, tun season-ah goal 38 zet an chhuah a, hei hi kumin MFA Super Cup best keeper Lalá¹­anpuia tan hmun awm lohna chhanah a ngaih theih.

Aizawl FC keeper zinga inlan hnem ber Avilash Paul hming a lang a, Chhinga Veng keeper Zothanmawia leh Chanmari keeper Lalmuanawma te nen semifinal an la khelh vek dawn avangin an zinga pakhat hian best goalkeeper chawimawina an dawn a beiseiawm. Nominee-a lang dang Bethlehem Vengthlang keeper Lalruatpuia leh Chanmari West keeper Lalmalsawma te tan tih theih a awm tawh lo.

Bang rinawm

Chhinga Veng FC captain Lalrinchhana Tochhawng hi MFA Super Cup-ah best defender atan thlan a ni tawh a, ani hi tlarhnung tiphuitu mai ni loa team hui khawmtu a nih avangin MPL nominee-ah hi chuan a serh zinga a mei ang a ni; MPL4-ah khan he chawimawina hi a lo dawng tawh bawk.

Chhingcows tan right back R. Laldinliana'n season á¹­ha tak a hmang a, Armed Veng South tlangval hian goal hnih a khung bakah goal khungna turin tlarhma lam a pui á¹­ha a, a tlan chakna leh tharum ngahna chu club dang taha á¹­ih tham a tling.

Aizawl FC defender Masih Saighani-a'n round 8 aá¹­ang chauhin MPL khel mah se khelmual chhunga a inlanin I League club-in hneh loh an tawng lo. Masih hian defender nichungin goal li ngawt a khung tawh a, AFC-in semifinal an khelh theihna chhanah a ngaih theih.

Chanmari FC-in season an hmang á¹­ha tawk lo a, an player zinga tlo ber Thomas Lalengkima hming erawh a lang pha. Semifinal lut pha lo zinga mi Bethlehem Vengthlang defender PC Laldinpuia a tel bawk a, Samthang tlangval hi á¹­um hnih man of the match-ah thlan a ni a, Mizoram kawr ha tlak a ni.

Game tidanglamtu

Aizawl FC midfielder David Lalrinmuana hi MPL3-ah best midfielder atan thlan a ni tawh a, vawi hnih dawng thei hmasa ber dinhmunah a ding. Zemabawk North tlangval hian season bul á¹­an á¹­ha tawk lo mah se Lammualah a thiamna a pho chhuak leh tawh a, goal li a khung tawh.

Mizoram Police midfield tichaktu F. Zosangliana'n MPL a khelh hmasak ber season-ah nominee-ah a tel nghal a, Shillong Lajong aá¹­anga Chanmari West zawmtu Jacob Lalrawngbawla'n tun season-ah ball a pet thiamzia lantirin nominee-ah a tel bawk. Tlungvel tlangval Jacob-a hian goal nga a khung a, a freekick leh corner pet te chu West Warrior goal nawrna ber a ni.

Chhinga Veng midfielder R. Malsawmtluanga'n MFA Super Cup best midfielder chawimawina dawng tawh a, MPL-ah pawh hmun pawimawh a chang chhunzawm zel. MS-a hian goal thum a khung tawh a, man of the match-ah á¹­um thum thlan a ni tawh bawk. Chhingcows midfielder Lalrinchhana hming a lang bawk a, Electric Veng tlangval hi season liam ta khan best midfielder dawng pha lo langsar ber a ni a, tun season-a dawng tur chuan match hmabak a khelh á¹­hat a á¹­ul ang.

Goal khungtute

Mizoram Police-in tun season-a goal khung tam pahnih Lalfakzuala (10 Goals) leh F. Lalrinpuia (9 Goals) te an kawl a, an hming hmaih a thiang lo.

Chhinga Veng striker Malsawmfela'n round 7 hnu lamah goal la khung lo mah se defender tan buaina a la ni tho a, season hmasa lama khelh dan thlirin nominee-ah tel a phu a, hmabak a la neih bawk avangin Ramhlun south tlangval hming thai bo a la thiang lo.

Aizawl FC winger H. Lalmuankima chu forward zingah telh a ni a, Bawngkawn tlangval hian hrem vangin season á¹­antirh lam inlan lo mah se a awm hnuah AFC chu team dang an ni. MK-a hian goal li a khung tawh a, man of the match-ah á¹­um hnih thlan a ni tawh.

Ramhlun North winger Lalrinfela'n a team khelhna semifinal thlen pui lo nachungin goal nawr kawngah erawh a thawh hlawk hle. Khawlailung tlangval Rinfela hian goal khat chauh khung mah se á¹­um thum man of the mach-ah thlan a ni a, hei hian a khelh á¹­hat zia a sawifiah.-Vanglaini

Post a Comment

Powered by Blogger.