Mizoram Public Service Commission (MPSC) chuan Mizoram Civil Services (Combined Competitive) Main Examination, 2017 result chu nimin khan a tichhuak a, personal interview hmachhawn turin mi 19 an tling.
Tun ṭum MPSC combined exam-ah hian Mizoram Cicvil Service (MCS) post panga, Mizoram Finance & Accounts Service (MFAS) post pahnih leh, Mizoram Information Service (MIS) post pakhat a awm. September 5-8, 2017 inkara Main exam-ah hian tling mi 82 zinga 79 inlanin, mi 77-in exam an hmachhawn tluan a ni.
Personal interview chu December 14-15, 2017 chhungin MPSC Chairman pisaah neih a ni dawn a; interview hmain candidate-te chu Aizawl Civil Hospital-a Medical Test Board-ah December 7 chawhma dar 10-ah inlan vek tura hriattir an ni.
Post a Comment