Unique Identification Authority of India (UIDAI) chuan central leh state sorkar website 200 chuangah Aadhaar detail, an hming leh address kimchangte tarlan a nih thu a sawi.
RTI hmanga zawhna a chhannaah UIDAI chuan hemi chungchang hi sawilangin, dan kalha website te thiltih chu hriat a nih hnuah, heng website aṭang hian data-te chu paih tir an nih tawh thu a sawi bawk. UIDAI chuan Aadhhar detail hi anni chuan an puangzar ngai lo tih a sawi. UIDAI in Aadhaar number, 12-digit a pek chhuah hi khawi ramah pawh identity leh address proof atan hman theih a ni. Sorkar laipui chuan Aadhaar hi sorkar laipui-a service scheme hrang hrang aṭanga hamṭhatna dawng thei tur chuan neih ngei ngei ngai tura siam a tum mek a ni. -Vanglaini
Post a Comment