Anti Corruption Bureau (ACB) chuan kumin 2017 chhungin thubuai pathum (criminal case) an ziak lut tawh a; chu'ng thubuai pathumah chuan mi 34 an inhnamhnawiha ngaih a ni.

ACB hian kum 2016 chhung khan thubuai panga an ziak lut a, chu'ng thubuaiah chuan mi 19 an inhnamhnawiha ngaih a ni thung.

ACB hian complaint an dawnin, chhui zui tlak a nih leh nih loh an zir chiang phawt a, an thil hmuh chhuahte chu Vigilance department lamah thawnin, Vigilance-in thubuai tihtawp tur emaw, criminal case-a kalpui tur emaw, department inquiry-a kalpui turin emaw thutlukna an siam á¹­hin.

Kumina ACB-in thubuai an ziah luhte chu - Sinlung Hills Development Council (SHDC) sum tihchingpen nia hriat chungchang te, Hindi tihhmasawnna tur sum tihchingpen nia hriat leh Mizoram Carbon Product Ltd.-in subsidy a hmuh chungchangahte a ni.

SHDC sum chungchangah mi pakhat, Hindi tihhmasawnna tur sum chungchagnah mi 13 leh Mizo Carbon Product Ltd.-in subsidy an hmuh chungchangah mi 20 thubuai siamsak an ni. -Vanglaini

Post a Comment

Powered by Blogger.