Republic Veng Presbyterian Kohhran biak-in sak thar,Tlangnuam West Presbyterian Kohhran biak-in thar leh UPC (North East India) Bawngkawn Chhimvenga Peniel biak-in tharte chu December 2, Inrinni khan hawn a ni.
Republic Veng Presbyterian Kohhran biak-in hi Aizawl East Presbytery moderator Rev. C Lalbiakhluna'n a hawng. Biak-in hi kum 4 leh thla 4 chhung an sa a, a sak nan hian cheng nuai 960 vel, hnatlang thâ 5,270 leh hlawhfa thâ 1,687 an sêng a; a chhungah mi 1,500 vel a ṭhut theih a ni. January 26, 1964-ah din Republic Veng Kohhranah hian chhungkaw 702-ah member 3,342 an awm mek.
Member 654 awmna Tlangnuam West Presbyterian Kohhran biak-in thar chu Synod moderator Rev. Lalzuithanga a hawng a; a sak nan Rs. 1,99,20,418 an sêng. Biak-inah hian mi 560 lêng tura ngaih a ni. sak a ni a, kum 2009 June ni 6 khan sak tan a ni.
Bawngkawn Chhimvenga UPC (NEI) Peniel biak-in chu UPC general secretary Rev. R Lalrinsanga'n a hawng. UPC Peniel Kohhran hi kum 1995-ah din a ni a, biak-in thar hi ft. 42-a lian leh ft. 41-a sei a ni. -Vanglaini
Post a Comment