'Tun hunah Mizoram hi khawvela chanchintha hril turin Pathianin min buatsaih mek' - Zoramthanga, President, MNF


times of mizoram chanchintharVawiin ni 28.12.2017 (Ningani) hian Pu Zothantluanga (Valtea) In, Zotlang Aizawl-ah 'Mithar lawmluhna leh Local Council thar lawmna' hun hman a ni a. Member 7 awmna Zotlang Local Council-ah hian MNF chuan member 2 chauh a neihna kha a ni a, ni 21/12/2017 khan Congress Member pathum :- C.Lalchhuanawma, PC.Lalbuatsaiha leh Helen Lalnunmawii-ten MNF an zawm tak avangin Member 7 awmnaah MNF chuan member 5 a nei ta a, vawiin chawhnu dar 2:00 khan charge inhlanin Zotlangah chuan MNF Local Council sorkar thar a piang ta a ni. Heng mite bakah hian MNF-a an luhna signature pe thlap mi thar Congress-49, Neutral-15, Total =64 chu MNF President Pu Zoramthanga'n MNF-ah a lawmlut nghal a ni.


timesofmizoram mizoram politics inthlan 2018Pu Zoramthanga chuan thusawiin, "Pathian leh mipui zarah kan sorkar hunah chuan nasa taka min eichhetu ruihhlo tikiam turin hma kan la ang a, zu zawrh kan khap hmiah dawn a; Rangvamual, Phunchawng leh hmun dang danga a ruka zu zuar ṭhinte hi SEDP hmangin eizawnna thianghlim leh hlawk zawk kan siam sak dawn a ni. Drug lamah ni se a lo luhna hmunpui Burma lam aṭangin bul kan ṭan ang a, NGO, sorkar leh kohhran nen Chin Hills lamah hma kan la ang a; a supply chu kan titlem thei dawn a ni. Ruihhlo bawiha tang mekte pawh Doctor leh Pastor rual te, sports lam nen a enkawlna tur ṭha tawk sorkarin a siam sak ang a, beihpui kan thlak dawn a ni. Hetianga kan kal hmasak chuan Zoram hi Pathianin a chanchinṭha hril turin min buatsaih nasa lehzual thei dawn a. MNF chu kum 50 chuang kan ral tur Pathianin thilmak chi hrang hrang hmangin min chhan chhuak tawh a. Kan lo chhuah tirhah bul ṭan nan kum khat leh a chanve min sorkartir a. A hnuah Opposition-ah min dah leh a, kum 10 sorkar ve lehin, tunah chuan kum 10 chhunga Congress sorkar chhiatzia lantir nan leh, kan inzir nan hun kan hmang mek a, Pathian leh mipui zarah nakum inthlanah chuan kan sorkar ngei ang tih lo ring rawh u," a ti.

Bialtu MLA Pu K.Sangthuama pawhin, "MNF chu kan vannei a, President fel tak, a kal hlat poh leh ram dang mite pawhin an rin ngam em em kan nei a, chutiang anga hruaitu ṭha hnuaiah chuan kan sorkar ngei ang. MNF-in kum 10 chhung kan sorkar khan sawi sen loh hna tam kan thawk a, kan thawh tawhte kha MNF chuan inchhuan nana hmangin kan sawi nawn ve sek lo. Sorkar leh huna kalphung thar leh ṭha zawk kan thawh turte kan sawi mai zawk a ni," a ti bawk.
He hun hi Pu B.Lalchhuanmawia, Zotlang MNF Unit President-in a kaihruai a ni.
(R.LALHMANGAIHA) 
Joint Secretary
Mizo National Front
Media & Publicity Deptt.
Memo No.MNF/Media/2017/159
Dt.28.12.2017

Post a comment

Powered by Blogger.