mizo film competitionMizoram Film Promotional Society (MFPS) leh Information & Public Relations Department tangkawp chuan Mizo Short Film Competition a buatsaih dawn a. Mizoram pum huap film siam lama tui a duh apiang tan tel theih a ni ang.

Film Competition hi Mizo ziarang culture leh tradition phawk chhuak thei a siam tur a ni dawn a. Film hi 22 - 30 minutes awh a ni tur a ni. Lawmman pakhatna - Rs. 70,000/-; pahnihna - Rs. 50,000/- leh pathumna - Rs. 30,000/- a ni ang. Best Director, Best Actor, Best Actress, Best Story leh Best Editor thlan an ni bawk dawn a ni.

Film Competition a tel tumte chu 19th January, 2018 (Friday) khian I & PR Auditorium-ah chawhma dar 11 ah kalkhawm tur a ni a. Film siam kawnga thil tul chi hrang hrang sawi a ni ang.

Mizo Film siamte hi National Level-ah Film Exhibition ah te tih chhuah a lo ni fo tawh thin a. Tum tuma Film Competition pawh hi rampum huapa film tha chherchhuahna hmanrua a nih ngei theih nan uluk taka kalpui a ni dawn a ni.

Post a comment

Powered by Blogger.