PHULLEN KHUAAH RANNUNG SEH NATNA (Scrub Typhus) VEI AN TAM 


-Vanneihthanga Vanchhawng for MSR


4th December, 2017 (MSR) : Tunlai hian Phullen khuaah rannung seh avanga damlo an tam hle a, he natna vei thar erawh an awm belh rih lo niin hriat a ni.
Thudawn danin Phullen khuaah hian tun hnaiah damlo inentir 27 zinga 24 chu rannung seh an ni tih hriatchhuah a ni a, tlangval pakhat chu rannung seh natna avangin kar kalta Zirtawpni khan a boral. Rannung seh damdawi hi Saitual damdawiin atangin an la a, tun dinhmunah chuan vei thar report, an awm rihlo niin thudawnna chuan a sawi.


Rannung seh vanga tlangval thi hi rannung seh a ni tih hriat chhuah har vang ni a an hriat thu thudawnna chuan a sawi a. Rannung seh vanga damlo tunhmain Phullen khuain an neih an hriat ngai loh thu khawtlang hruaitute chuan an sawi.
Rannung seh natna bakah hian tunlai hian Phullenah Typhoid vei pawh an tam hle a, mi 12 test-ah 6 in an vei tih an sawi bawk.
Khawtlang hruaitute leh Medical Officer (PHC) Phullen te pawhin hemi chungchang hi sawihona an nei tawh nia thu dawn a ni.


PHULLEN KHUAAH RANNUNG SEH NATNA (Scrub Typhus) REPORTPHULLEN AH SCRUB TYPHUS NATNA ENFIAH - DIPR Mizoram


Phullen khua a Scrub Typhus natna leng enfiah turin Health and Family Welfare Department chuan vawiin khan member pali awmna surveillance team a tir chhuak an ni. He team hi Dr. Pachuau Lalmalsawma, Nodal Officer, IDSP in a ho a. Phullen ah hian vantlang inkhawm neih puiin, Scrub typhus chungchang zirtirna an pek dawn a. Scrub typhus endikna hmanrua thenkhat an keng nghal bawk.

Post a comment

Powered by Blogger.