Kan ram chhiatzia Mizo leh India mipuite'n an hria - MPC Vice President - TIMES OF MIZORAM

28 Feb 2018

Kan ram chhiatzia Mizo leh India mipuite'n an hria - MPC Vice President

MPC vice president Vanlalhlana chuan nimin khan an party office-ah thu sawiin, "Mizo mipuite leh India mipuite hian kan ram chhiatzia kan hria a ni," a ti.

Vanlalhlana chuan chief minister Lal Thanhawla'n 'Khawvel economist ropui ber ber-te pawh lo kal se, kan sorkar hi a ṭha a ni tih fiahna turin keini sawi mai ni lo fiahna ṭha tak tak kan nei a ni' tih a sawi thu sawiin, "Khawvel economist ropui ber berte rawih ngai loin Mizo mipui leh India mipuite hian kan ram chhiatzia kan hria a ni," a ti a, kan ram economic dinhmun ṭha tur chuan thil tharchuah neih te, thilsiam chhuahte leh mipui nawlpui intodelh a ngaih thu a sawi.

Zoram Peoples Movement chungchang sawiin MPC Vice President chuan, "Mizorama kum 30 chuang sorkarna lo chelh tawhten ram an kaihhruainaah Zoram mipuite kan ṭhangharh tawh a, MNF kum 10 chuang an sorkar chhung khan baffacos sum cheng maktaduai tam tak in sem zoin, Congress kum 20 chuang an sawrkar chhung hian NLUP atan cheng vbc. tam tak semral a ni leh a, heng sum zozai te hi hmasawnna hna thawh nan hmang zawk ila a duhawm hle a ni," a ti.

Vanlalhlana chuan mipuite'n Congress leh MNF-te hnawl an chak tawh thu sawiin, "Party mal sorkar ni lo, kalphung thar hmanga mipui sorkar din turin Ṭangrual Pawl ZPM a lo ding chhuak ta a ni," a ti a, Zoram mipuite ṭawiawmna in sorkarna an siam ngei tur thu a sawi.
- Vanglaini

No comments:

Post a Comment