Vawiin tlai khan Mizo Photographers’ Society (MPS) buatsaih Chapchar Kut lady result puanna leh lawmman semna hun Lal Thanhawla Auditorium ah hman a ni a, Pu David L.Thangliana, Director I&PR chu Khuallian niin, Pi R.Lalpanliani, Director, Hontrade International, Pi Sainguri, President MHIP Gen. Headquarter te bakah mipui thahnemtakin an telpui bawk.
Hontrade International Mizo Photographers’ Society Chapchar Kut Lady 2018 atan Nl. H.Lalrindiki, Mission Vengthlang thlan tlin a ni a, Nl. Babie C. Vanrempuii, Chaltlang chu 1st runner up niin 2nd Runner up ah Nl. Saidingpuii Electric veng thlan tlin a ni bawk.
Khuallian Pu. David L.Thangliana chuan Mizo Photographers’ Society ten Chapchar Kut Lady thlanna an buatsaih thei chu lawmawm a ti a, Chapchar Kut Lady chu nungchangmawi tak, hawihhawmna leh kalna apianga mizo nunze mawi tlawmngaihnate vawng nung tlat turin a chah a. MHIP President Pi Sainguri chuan Chapchar Kut Lady chu mizo hmeichhia te tan taimak kawngah te, zirna kawngah te, inchhung chet leh incheidanah te entawntlak ni turin a fuih a, aia upate duat thiam turin a chah bawk.
Chapchar Kut Lady 2018 thlan naah hian Pu Lalnuntluanga’n hunserh hmangin zaithiam tak tak te zai ngaithlak a ni a, HT Hnamtinkhuma, Gen. Sec, MPS atangin report te ngaihthlak niin Chapchat Kut Lady leh Runner up te hnenah lawmman hlanna hun hman a ni.
Mizo Photographers’ Society hi 2012 ah din niin 2013 atangin Kut Lady thlan tan a ni a, mizo hnam thuam inbel a kut hmanga lokalte atanga thlan thin anni. Chapchar Kut Lady 2018 atan hian thlalak 79 lutin, heng thlalak te hi social media atangin vote hmangte a thlitfim leh an ni a, chung atang chuan Kut lady tur te hi thlan chhuah thin an ni.-DIPR
Post a Comment