CHOKHLEI KUT: March ni 8-9, 2018-a Lawngtlai District Sentetfiang khuaa Chokhlei Kut (Rhododendron Festival) hman tur theh larna leh sawmna video clip leh leaflet chu vawiin khan Lawngtlai DC Conference Hall-ah Lawngtlai Bawrhsap Dr Arun T., IAS hovin tlangzarh a ni.
![CHOKHLEI KUT lawngtlai kut](https://blogger.googleusercontent.com/img/b/R29vZ2xl/AVvXsEjRcSO0UN8uRIMlMPxfUXlMx7CpVjoqkQafahTK1cLopv0_sfGBEGA2eCB4wV6nZwn1OhV6lT2Avs2TiXgYPabjL_Rqd7D1S7OxpYlHOOq1WbF4f_Ul685SRmQk5MnSzzX_bm7giGljTk0/s320/chhawkhlei_%25281%2529_1519904497.jpg)
Chokhlei Kut hi chhawkhlei par chawi vul a, humhalh leh ngaihhlut deuh deuh a lo nih theih nan leh ram pawn atanga zin mite hip luhna tur atana ruahman niin, chhawkhlei par vul lai tak, March ni 8-9, 2018 hian Phawngpui tlang bulthuta Sentetfiang khuaa hman tura ruahman a ni a. Thlalak entirsiak (photo exhibition), Chokhlei Idol thlan, cultural programme, rock concert, hnam thuam entir (fashion show/costume parade) leh tualchhuak infiamna hrang hrang buatsaih tum niin, hnam thil, puan leh kutthemthiamna thil hrang hrang, traditional food leh pangpar lei turte pawh pho chhuah tum a ni a; Phawngpui National Park tlawh theih dan tur pawh felfai taka ruahman tum a ni bawk.-DIPR
Post a Comment