MIZORAM TAN BJP A HLAUHAWM EM ? - TIMES OF MIZORAM

Breaking

Home Top Ad

Post Top Ad

MIZORAM TAN BJP A HLAUHAWM EM ?

Vanlalngaia 
Kulikawn.
9612153042

MIZORAM TAN BJP A HLAUHAWM EM ?Hlauh tur dik tak chu BJP ti a Mizoram Chief Minister meuh in ralkhel dar a vuak tak si ah chuan bihchian\zirchian a va tul tak em..! tiin ka ngaihtuah ve a. 
Ka inleng te ti ti atang te hian i lo bihchiang teh ang u hmiang.

A ni lah taka, BJP sorkar phat atang khan an political Agenda lian ber chu Congress tel lo India ( Congress Free India ) siam niin a lang. Hma pawh an sawn chak hle. Keini North Eastern State te pawh Modi wave an tih chuan min rawn nuai tel ve ta.

Tripura CPM kum 25 zet sorkarna phei chu a nuai darh hneh hle mai, Stalin-a Lim te an tichhia a, India ram hmun hrang hrang ah Lim tihchhiatsak na a thlen phah ta hial a. Mizoram chu mal nuai hmabak kan ni ta ran mai le. Kristian State a chhiar ngam Meghalaya, Nagaland te pawh a nuai hek sawk mai. Baptist Kristian Council C.M. thusawi hi a va dik tak em ! tiin ka inlengpa chuan a sawi zui zel a. Congress tan chuan BJP hi hlauh tur dik tak a ni reng a ni tiin a tawp ta a. An in hnial dawn emaw ka tih laiin CM thusawi dik zia chu pakhat zawk pawh chuan a nemnghet ve ta a.

Keipawh in rambuai tantirh a Jets Fighter in min rawn khuainuai chiam tum a Pu Denga'n van lam en vang vang chunga a thu sawi " Khing te aia thazawk kan mamawh " a tih thu leh Pu Rama CM laia a thusawi dik zia " Fur laiin ruahtui tam tawk kan dawng a, dahkhawl nachang hre lovin hlate khua a luan hnu a pump chhuah leh tum hi a mawl thlak " a tih dik zia te kha ka sawichhuak ve a, kan nui baw hawk hawk tlang ta a nih chu.

A nih leh BJP hi Kristian te tan a hlawuhawm em..?
Thenkhat ten Kristian tiduhdahtu, Kristian nuai chimih tum tu ti hial in ngaihdan kan nei hlawm niin a lang si a. Kei ngei pawh hi kum 1992, Suragunj AICC Session-a Fundamentalist RSS Note BJP Agenda Hindutva, Common Civil Code, article 370 thaibo hlauhawm zia Political Resolution pass tute zingah ka telve hlauh a, thahnem ngai taka BJP lo tlangau pui ve lauh lauh tu ka lo ni ve tawh a sin.

India ram hi hnam chi hrang hrang, tawng hrang hrang, sakhua hrang hran awmkhawmna a ni a. Contititution siamtu ten hei hi hria in khawvela Constitution tha ber min lo duan sak a. Ram hrang hrang ah Sipai sorkatna te a pian lai pawh in Constitution min phuarkhawm tu a vang hian Vibrant Democracy ram lian ber, thang duang ber a ni chho zel a.

India ram Hindu len ber na ah a firfiak Fundamentalist RSS duhdan Hindutva, Common Civil Code article 370 thaibo tawmpui lo chu 90% kan ni hial ang. A chhan leh vang lian ber chu min phuarkhawmtu Constitution ber a chhiat vek chuan India Union a keh darh vek ang a, kan duh emaw duhlo emaw Independent sup sup mai loh chu hmabak a awm thei lo. Keini aia hlau vek an ni. Keini Ui hum lek by accident a India mi lo ni ve ta te tan hian hlauh tur reng reng a awm ve lo. Nuam sing khaw. Kan tih nghal loh..! Mosolman ah pawh a firfiak pawl Sunni leh Shia an awm ang hian a in do ber pawh hriat hran theihloh khawp a buaina ang hi India ram ah a thlen ve kan phal dawn lo. Kasmir ringawt pawh buaipui tham a nih hi.

Ram tin a kal a thilsiam zawng zawng te hnen a Chanchintha hril tur a thupek kengtu te tan in hlauh siak aiin an zinga telve ( Ram thim ) law law hi a hlawk zawk daih tih hi a nak a zen tu ka lo ni ve tawh. Thlarau bo Hindu pachal pakhat chhanchhuaktu ah hian ka lo in ngai ve tawh a sin le.Kristian te tihchimih vek timin Rome sorkar chakna zawng zawng te an lo hmang tawh. Bible pawh halral vek an lo tum tawh thin. Khawvel zawng zawng hi LALPA ram a nih hma chuan, Chanchintha hi puan darh a ni zel dawn. Insawithaihna atthlak te hi thuneihna inchuhna, vote zawnna mai mai alo ni e. " Hlauh tur dik tak chu Gehena a paih thei tu Pathian chauh a ni."

Awle, tunah chuan engtinnge ni zel ang le? tih hi i lo ngaihtuah teh ang aw. BJP thlipui mal nuai hmabak kan ni ta si a, theihtawp a lo do tang tang tur nge chhawr tangkai ve mai tih hi kan ram leh hnam tan a pawimawh hle mai. Engkim tan hun ruat a ni si a.

Remna leh Muanna kan mamawh ngawih ngawih lai khan Vai pawl Congress chu hman tangkai nachang kan lo hre tawh a, kan mamawh ber Remna leh Muanna bak ah State puitling ah hlankai kan ni a. Kan hlawkpui ngei mai. Pu Rajiv Gandhi PM khan Model State min tiam lehnghal a, a ropui ngei mai. Amaherawh chu State sorkar ten angaihna an hriat tawk loh vang nge kum 30 hnu ah pawh chawmhlawm hnam kan la in hamtang hram hram a ni a. Hei hi a ngaih pawimawh dikloh ( Misplaced Priority ) vang mai a ni. Lu lam lian bur, ke lam zuih tut, kan fanau duat ngawih ngawih a singtel rul chukna mi in a chuk mawlh mawlh mai. Cancer, HIV+. Corruption, Chiahpuam, Khehpuam tia sawichhiat kan nih tawhloh nan " Hawh teh u, Pu Rajiv-a Model State ai ah Modi Model State " i din teh ang u, tih te hi a finthlak em..? Kan ram thalai ber kan pasaltha ten nunna senga an lo humhalh thin Cachar Forest kut a awm, mi neihhlen sak an tum mek hi min chinfel sak tu kan va mamawh em ve le. Mizo tawng 8th Shedule a min dah sak thei tu kan mamawh a. Mamawh kan va ngah tawh tak em !

Mizo te hi kan tlem ren rawn na a, BJP hian mamawhna min nei ve tlat nia. International Boundary hmun pawimawh luahtute kan ni a. Khawchhak lam ral lian dan chah na Defense Strategy hmun pawimawh a lo nih tawh kha. Chuvangin khua leh tui rinawm atan min mamawh ve hle mai. Hei bak ah BJP hi khawvel 'mitah' Hindu Fundamentalist sorkar tia hriat a ni. Keini Mizo Kristian tlem te hi BJP sorkar ah an him a ni tih lan tir hi an thlahlel ve hle zu nia. Hetia min mamawh ve na hi tun inthlan ah lo pe ve ta ila, Nagaland, Meghalaya te angin kan mamawh te chu kan lo ve mawlh mawlh dawn nge kan do tang tang dawn ? Hawh u, i ngaihtuah tlang teh ang u.

Pathian in Lal Kura rilru a hneh sak angin leh Rome Emperor a piangthar ta ang khan Pu Modi hi han piangthar ve mai se a va ropui dawn em...!

Ram tha lehzual, Zofate insuihkhawm hun thlir chungin Zofate Jerusalem hi Model State ah i siam phawt teh ang u.

Ka lawm e.

No comments:

Post a Comment

Post Bottom Ad