MNF-te'n sorkarna chance an nei lo - John Rotluangliana - TIMES OF MIZORAM

Breaking

Home Top Ad

Post Top Ad

MNF-te'n sorkarna chance an nei lo - John Rotluangliana

mizoram politicsMamit East Congress chuan Inrinni khan Lengpui community hall-ah inkhawmpui an hmang a, an hun hmanpuitu bialtu MLA John Rotluangliana chuan MNF-te'n sorkarna chance an neih loh thu a sawi.

John Rotluangliana chuan inthlan hnuhnung berah MNF leh MPC an thawh dun thu sawiin, "Tunah hian MPC te ZPM lama an awm tak avangin MNF-te hian thawhpui tur an vai ta em em a ni. BJP chu a lang a paua thawhpui hreh siin,  an sum itin an be chhe ngam bawk si lo. An chetzia hi kan hmuh vek avangin MNF te tan hian sorkarna chance hi a awm lo a ni," a ti. 


ZPM-in hma a sawn thei lo nia sawiin John Rotluangliana chuan, "An Chief Minister tur pawh an la hre lo a nia.  Tun ang hun pawha CM tur pawh hre lo ai chuan Congress party CM tur hrechiang sa hi chu a sawrkar a rinawm hle zawk a ni. MPC leh ZNP te lah hi an hotu tam takin an tinsan tawh si," a ti a, pun lam aia kiam lam pan tan sorkar a beiseiawm loh thu a sawi.


John Rotluangliana chuan  BJP chu an hotute inkarah hotu inchuhna a nasa hle tih sawiin, "An headquarters hotute hi an pawisa duh vanga lut an ni a,  zui tlak an ni lo.  Hmanni lawkah pawisa tlem central atangin an dawng ve a, an hotu lawkten he pawisa hi  inchuhin an hqrs.-ah buaina a chhuak niin sawi a ni. Tin, BJP sorkar hi an thupui chu Hindutva a ni a,  Hindu sakhaw tihzauh tumtu leh ramzauh tumtu niin, Kristiante min tiduhdahtu party an ni," a ti.-Vanglaini

No comments:

Post a Comment

Post Bottom Ad