Mizote kut ngaihhlut ber Chapchar Kut chu nimin aá¹­ang khan A.R Lammualah hman á¹­an a ni a, vawiinah a lawmna pui ber neih a ni ang. Vawiin hian zing dar 10:30 aá¹­angin programme á¹­an a ni dawn a, zaithiam lar tak tak - hrang hlui deuh aá¹­anga a tun lai ber berte an inlan dawn. 

Mizo Cardinal Choir chuan kumin kut thupui "Sem sem dam dam" tih hla hmangin kut khuh hawnna an nei ang. Anni hi Asia Pacific Choir Games 2017, Colombo-a neihah khan an che á¹­ha hle a, ram pawn thleng pawha Mizo hming timawitu te an ni. Mizo Cardinal Choir zai zawh hian mal zai ngaihtlak tur a awm zui dawn a, Esther Lalrinhluii a zai dawn. Chaltlang nula hi a aw mawi leh danglam tak avangin hriat a hlawh a, vawiina Lammuala a inlan tur pawh hi a ngehhlehawm tawh hle. 


Zaithiam zai turte hi - K.C Runremsangi, Lalawmpuia Fanai, C.Vansanga, Zorinzuali Khiangte, Israel Lalbiakrema, DJ Lalvenhimi, Rpa Ralte, leh Feli Fanai te anni nawk a, live-a an perform enduh tan chuan Lammual pan a fuh ang. Tlema rual u deuh zawkten KC Runremsangi leh C. Vansanga te zai an ngaithla chak ang a, kum lama naupang zawkten DJ-i, Feli Fanai, Israela leh midang zai an hmu chak ang. Anni hi Mizo zaithiam zingah pawh kan neih á¹­hat ber berte an ni a, Lammuala mipui kal khawmte awi turin an á¹­ha tawk.

Hnam zai lama kan zaithiam neih á¹­hat R. Lalhmangaihzauli leh Lalbiakhlui Pachau te an inlan dawn. Pipu zai lamah IMFA (Chhimphei duai) te an che dawn a, rimawi tum ngaihthlak tur a awm bawk ang. Central YMA aá¹­angin khuallam en tur a awm dawn bawk a, kut chhim tura kal khawmte tan Chhawnghnawh hun buatsaih a ni dawn bawk. 

Nimina kut lawmnaah zaithiam eng emaw zat an lo zai tawh bawk a, YMA, Ramhlun South Branch-ten hawnna hla an sak zawh a, Cindy Lalthanpui a zai. MZI General Headquarters aá¹­angin zaipawl ngaihtlak a ni , tlai lamah H. Vanlhlana bakah band eng emaw zat an perform bawk a ni. -Vanglaini

Post a Comment

Powered by Blogger.