Vawiin khan MZP Gen Hqrs Office, Pisapui-ah MZP-in Bairabi Zophaia Zofate Chawlhbuk sak an tum tuma Assam Police-in kut an thlak Mizo chanchinbumite te Thlahualna hun MZP chuan an hmang a. He hun hi Pu B. Vanlaltana Vice President in a kahruai a, MZP President L. Ramdinliana Renthlei leh MJA President atana thlan thar Pu Zonunsanga Khiangte te’n thu an sawi
MZP President L. Ramdinliana Renthlei chuan, hliam tuar zawng zawng kha mi 69 an ni a, chawimawi an phu vek a. MZP anga hnatlanga thawkchhuak hliamtuar te kha chu hliam tuar tura inngai leh inhuam an ni a, journalist-ten hliam an tuar a, vuak te an tuar ve erawh kha chu an hrethiam lo takzet a, journalist ten hliam an tuar chu an zahin an chawimawi a ni, a ti
MJA President thlan thar Pu Zonunsanga Khiangte pawhin ramri chungchang MZP-in an buaipui chuan sorkar leh Mizoram mipui a kai harh a, Zofate Chawlhbuk MZP-in sak an tum avangin Sorkar laipui kaihhruaina hnuaiah Mizoram Sorkar leh Assam Sorkar te inbiak a ni a. He thilah hian Sorkarin dik taka thuthlukna an siam a nih chuan a lawmawm hle ang a, Assam lamin hma an lo lak tawh te leh kut an lo thlak tawh zawng zawngte pawh thiah vek a ni dawn a ni, a ti.
Assam Police ten tiang hmanga vuak mai duhtawk lova Silai hmanga zirlai pawi sawi lo leh Journalist te vuak an ni leh kah an ni chu a dem tak meuh thu Pu Zonunsanga Khiangte chuan a sawi a, Assam Police te hian Mizo hmel pu an nih vang hrim hrima journalist te an vua chu an hrethiam lo hle a, Assam Journalist te an him bik lai a, an member te, hmeichhia pawh thliar lova kut an thlak lui chu Mizo Journalist zawng zawng an vua ah an ngai a. Mizo mipuite an hmuhsitnaah an ngai a ni, a ti a Zirlai pawi sawi lote vuak thi tlina an awm kha pawi an ti tak zet zet a, an tawrhna hi a thlawn lovang tih thuthar thehdarhtute chuan an ringin rah tha tak a chhuah ngei dawn a ni, a ti.
MJA member hliamtuarte thlahualna ah hian MJA member pariat hliamtuarte hnenah MZP chuan Tawlhlohpuan a bahtir a ni.
AIR News Aizawl
Post a Comment