MYC YOUTH SUMMIT & ROAD SHOW 2018 

 MZI GEN HQRS IN MIPUI A SAWMNA -


"Mizoram ṭhalaite tân khawvêl i zauh ang aw." - Joseph Lalhimpuia, Chairman, Mizoram Youth Commission

Date 10.4.2018 : Mizoram Youth Commission (MYC) chuan Mizoram District khawpui tinah MYC Youth Summit & Road Show 2018 a huaihawt dâwn a; Youth Summit hi kawng hrang hranga Mizoram ṭhalaite 
hmasâwnna tûra infuihna leh inzirtîrna hun atân te, Skill Development lama ṭhalaite hmasâwnna tûr thil ṭul chi hrang hrang inhrilh hriat nân te, lehkha zirna leh hna thawh tûr thlenga kawng inkawhhmuh nân ṭangkai taka hman tûra ruahman a ni.


 Mizoram Youth Commission   YOUTH SUMMIT & ROAD SHOW 2018MYC Youth Summit & Road Show 2018 hawnna (Kick Off) hi Mizoram khawpui (State capital) Aizâwlah ni 17 & 18 April, 2018 hian Assembly Annex Building, Treasury Square, Aizâwlah neih tûr a niin, chumi hnuah Mizoram District tin khawpui ṭheuhah April/May 2018 chhûngin neih chhunzawm zêl a ni ang a; District danga tih zawh hunah a khârna chu Lungleia hman tûra ruahman a ni bawk.

MYC Youth Summit & Road Show 2018 hi Skill Development leh Youth Affairs lama hmalâkna neiho Mizoram sawrkâr Department hrang hrang eng emaw zât bâkah Private Agency/Firm eng emaw zât nên thawk hoin hun hman a ni dâwn a; he hun hmannaah hian MYC chuan Stall 50 vêl a siam dâwn bakah, Mizoram ṭhalaite hmâkhua atâna pawimawh hrang hrang kawng inkawhhmuhna te, programme hrang hrang tân Stall tinah exhibition neih te, video film siam, photography leh arts/painting-a ṭhalaite tâna intihsiakna buatsaih a ni dâwn bawk.

Ni 17-18 April, 2018-a Mizoram Youth Commission-in Aizâwla Youth Summit & Road Show 2018 a buatsaih tûr hi Chief Minister Pu Lal Thanhawla'n ni 17.4.2018 chawhma dâr 11:00-ah a hawng ang a; a duh apiang tâna tel leh chhim tûra buatsaih a niin, Aizâwl khawpui chhûnga Gov't. HS & HSS leh College, MZU, ICFAI, MCON etc. zirlai zawng zawng pawh an tel theihna tûrin thuneitute dîl an ni vek nghe nghe a ni.

                           Mizoram Youth Commission                             YOUTH SUMMIT & ROAD SHOW 2018

Pu Joseph Lalhimpuia, Chairman, Mizoram Youth Commission chuan, _"Mizoram ṭhalaite tân khawvêl i zauh ang aw,"_ tiin, MYC Youth Summit & Road Show 2018-ah hian tel vek tûrin Mizoram ṭhalaite a sâwm a, lo tel ve la, i hma lam hun atân hlâwkna i chhar chhuak ngei ang.

COME ONE, COME ALL, MYC Youth Summit & Road Show 2018 IS COMING SOON!


Hemi hun ah hian MZI Gen Hqrs Stall ah a ni hmasa zawk 17th April ah Tv Joseph Lalrinsanga - Master degree in Jazz Music - USA, Aizawl jazz Academy neitupa chu Consultant angin a awm anga, a second day 18th April ah Pu Zothanmawia - Mystique School of Music neitupa, Consultant angin a thu bawk ang, kan mithiam pahnih te hi mipui ten rimawi kaihnawih duh duh a zawh theih anga an hnen atang hian rimawi lam kaihhnawih finna tam tak a chharchhuah theih dawn a ni.

SD/-
(Ramdinpuia - Rdee Ralte)
Info Secy
MZI Gen Hqrs
Aizawl : Mizoram

Post a comment

Powered by Blogger.