Hontrade Thazual Lengzem Top 10
H. Lalvulmawia chu Hontrade Ṭhazual Lengzem chart-ah pakhatna a ni a, a vul lai a chen mek.
Vulmawia hian 'Kan intiam tawh ang' tih hla hmangin dinmhmun sang ber a luah. He hla hi Dina Jathang phuah niin, tun lai lengzem hlathlan hlawh ber a ni mek. He hla phuahtu Dina Jathang hian chart-a lang phak hla eng emaw zat a nei a, chung zingah chuan dinhmun sang ber lo luah tawh Jenny Jathang sak 'I hlui thei mawlh lo' tih pawh a tel a ni.
A hla H. Lalvulmawia'n a sak pawh hi kum tir lam khan local channel leh YouTube lamah en theih tura dah chhuah a ni a, tunah chuan chart-ah pakhatna a hauh der tawh a ni.
Tun ṭumah hian chart hmasa lama pakhatna hauhtu Lalramdini Fanai chu pahnihna-ah a awm ve thung. Richard Chawngthu chu 'I liam si maw' tih hla hmangin a sang pathum zingah a invawrh chho bawk.
A zawna dinhmun sang ber pawh lo luah tawhtu Jenny Jathang chu palina-ah awmin, a hla hit 'I hlui thei mawlh lo' chuan thlan a hlawh zui zel. Hetih lai hian H. Lalvulmawia chuan top 5-a lang phak hla pahnih a nei a, 'Ka perhkhuang ṭingṭang' tih hla hmangin panga-na a hauh a ni.
Top 10-ah hian chart-a mikhual lo tak tak F. Zomuanpuia, H.T. Lalthanzami leh Mathlenga te an lang bawk a, Tommy L Pachuau chu an hla pahnih a thawh ve bawk.
Hontrade Ṭhazual Lengzem Top 10
1. H. Lalvulmawia - Kan intiam tawh ang
2. Lalramdini Fanai - Mengmawi
3. Richard Chawngthu - I liam si maw
4. Jenny Jathang - I hlui thei mawlh lo
5. H. Lalvulmawia - Ka perhkhuang ṭingṭang
6. F. Zomuanpuia - Lo let leh la
7. Tommy L Pachuau - Ngaihlai I bang lo'ng
8. H.T. Lalthanzami - Anka nem chu tawk rawh se
9. Mathlenga - Vanglai nun
10. Tommy L Pachuau - Tawnmang Lasi
-VANGLAINI
Post a Comment