MIMER MIZORAM MIMER MIZORAM: Vawiin khan Mizoram Institute of Medical Education and Research (MIMER) a MBBS course atana fee bithliah tu Committee - Committee for Fee Fixation chu an Chairman High Court Chief Justice (Rtd.) Justice T. Vaiphei hovin Aijal Club ah an thukhawm a. He Committee hi Medical Council of India in a phut anga din niin May ni 21 khan Mizoram Sawrkarin a dinna order hi an chhuah a ni.


Justice T. Vaiphei chuan Mizoram Sawrkarin rang taka he Committee a din chu lawmawm a tih thu sawiin fee  bithliah chu felfai leh uluk taka thil tih ngai anih avangin Member te chu zau taka an ngaihdan te sawi turin a chah a. MIMER Registrar Dr. Jane Ralte chuan  thenawm state medical college leh ramchhung hmun dang medical college te fee structure bakah state thenkhata NRI te fee structure zirchianna a neih chu Committee hmaah a pharh a, hei hi Member ten chipchhiar takin an sawiho a. Committee chuan MIMER hmasawn zelna tur leh Mizoram dinhmun ngaihtuah chungin vawiina an thutkhawmna hian MIMER MBBS course fee chu an bithliah fel ta a ni. -DIPR

Post a comment

Powered by Blogger.