![MIMER MIZORAM - Health & Family Welfare Department Mimer Mizoram recruitment](https://blogger.googleusercontent.com/img/b/R29vZ2xl/AVvXsEjRWr7cbJFKh3xNIgWX90MbL9fmiPIgEU5t9L_hhDf4hatBbpO19JJPO1iWiwpZCmT0MlTmo8elhkvHYrkAh5zZCH1ede0qkIekf0CoRi067FrG_7GZOsNLUpSaLkxVcfL4qUhpE56SIhy3/s320/mimer_%25281%2529_1527594691.jpg)
Health Minister Pu Lal Thanzara chuan May Ni 25, 2018 khan Ministry of Health & Family Welfare, Govt. of India in Medical College hawn phalna, Letter of Permission kan dawng tawh, a ti a, Academic year 2018-19 atang hian MIMER ah MBBS seat Za awm tura ruahman niin, 15% chu Central atanga hnawhkhah tur a ni anga, 15% dang leh chu Non-Resident Indian (NRI) atan a ruahman ni bawk in, a bak 70% chu Mizoram tan a ni ang, a ti.
Pu Lal Thanzara chuan MIMER tih puitlin a nih theih nana Sawrkar hmalakna kalchhoh dante a tarlanga, 2014 leh 2015 khan Medical Council of India in Medical College Mizorama din ve tura dilna a lo hnawl tawh hnuah Sawrkar in hma nasa taka lain 2016 khan dilna theh luh leh a ni a, MCI lam atangin vawi engemawzah endik anih hnuah Letter of Permission kan dawngta hi Sawrkar hmalakna leh thawktute thawhrimna vang a ni, a ti bawk.
Minister Pu KS Thanga, Bialtu MLA ni bawk chuan thusawiin MIMER chu Mizoram tana hriselna leh damlo inenkawlna kawnga hmanraw tangkaitak anih bakah Falkawn leh a chhehvel mipuite tan enzawnna kawngah hmasawnna tamtak thlen tu a ni chu a lawmawm hle, a ti a, Letter of Permission hmu thei a Mizoram Sawrkar hmalakna leh MIMER a thawktute thawhrimna leh inpekna chu fakawm a tih thu a sawi bawk.
Post a Comment