Mizoram State BJP President Pu JV Hluna’n Mizoram Chief Minister in Buddhist BJP an hlauhawm loh thu a sawi chu lawmawm a tih thu sawiin BJP tan campaigner tha tak a ni a ti.
Pu JV Hluna chuan vawiin khan a office Chamber ah Press mite kawmin Joint Party in NLUP dawng tur thlan dan diklo chungchanga an hmalakna kalzel bawh zuia Centrala Joint Memorundum an thlen chungchang a sawi a. Press mite zawhna chhang in Pu JV Hluna chuan tunhnaia Mizoram Chief Minister in, Buddhist BJP an hlauhawm loh thu a sawi avangin Media hmangin Chief Minister hnenah hian lawmthu a hrilh tih a sawi a. Buddhist BJP an hlauhawm loh chuan Mizo Kristian BJP te phei chu a hlauhawm lo leh zual hle dawn a ni tih hi sawi lo mahse a lang tlang reng a ni a ti.
NLUP chungchanga an hmalakna sawiin Pu JV Hluna chuan Mizoram a Sorkarna chelh mek tu Congress Party in, MLA bial 40 a, anmahni Congress MLA te tan chauha Mizoram Budget atanga an hmalakna NLUP atana hman tur cheng Vaibelchhe 4 an party campaign na leh vote zawn na atan a an hman bik duhlohna leh a dikloh zia leh NLUP dawngtu tur thlan dan, an DAN siam palzut a an hmalakna tha ti lova Resolution an siam chu Central hruaitute hnenah May ni 3 khan an thehluh thu a sawi a. Lehkha chu Prime Minister office a an pek thu leh Home Minister Rajnath Singh pawh a copy an pek thu sawiin chak taka hmalak an tum ve ve thu an lo hrilh niin Pu JV Hluna chuan a sawi bawk.
Minister of State for Road Transport & Highway Pu Mansuk L. Mandaviya an Mizoram kawngpui a chhiat thu leh sum pek ang zat hmanga PWD in kawng an siam lo tih a sawi chu thudik anih thu an sawi bawk a ni.-AIR Aizawl
Post a Comment