Mizo Zirlai Pawl (MZP) chuan, Bairabi Zophaia ram an neihah hun remchang hmasa berah Zofate Chawlhbuk sak hnatlang neih leh an tum thu an tarlang a; Zophaiah Zofate Chawlhbuk a din ngei theih nan hma an la chhunzawm zel dawn tih an puang.
MZP hruaitute nimina ṭhukhawm chuan, Mizoram-Assam ramri chungchang leh a kaihhnawih thila Mizoram sorkar leh Asasam sorkarte hmalaknaah lungawina tur leh lawmna tur awma an hriat loh thu an tarlang a, "Central sorkar rawtna leh ngenna zahawm viau mah se, Bairabi Zophaia Mizoram chief minister hmasa ber Pu Ch. Chhawnga (L) nupui Pi Lalrothangi’n MZP-te ram a pekah Zofate Chawlhbuk sak hnatlang hun remchang hmasa berah koh leh ni se," an ti. Mizo Zirlai Pawl (MZP) CHAWLBUK
Tunlaiin Mizoramah dan loa hnam dang sumdawng an pung chak a, an huangtau ta hle nia sawiin MZP chuan, "Mizorama ram hmasawnna tura company leh dan dik tak hnuaia hna thawkte chu kan welcome a, hna
ṭha takin thawk se kan duh. Chuti ni lo a, Mizo hming hawh leh permit-in a huam loh thlenga duh duh dana sumdawngte chu ṭha lo kan ti hle a ni," an ti a; hnam dangte hnena hming hawhtira sumdawntirtute chu hnam phatsantua an ngaih thu an tarlang.
MZP chuan, Mizorama dan loa hnam dang sumdawngte leh Mizo hming hawha sumdawngte an dap chhuah dawn thu sawiin, an hmalakna chu thláwp turin Mizo mipui an ngen a ni.-VANGLAINI
Post a Comment