CYMA LEH MIZORAM PWD HOTUTEN INREMNA THUTHLUNG ZIAK

CYMA LEH MIZORAM PWD  INREMNA Vawiin chawhnu khan Chief Minister’s Conference Hall-ah PWD hotute leh Central YMA hruaituten inremna thuthlung (Memorandum of Understanding) an ziak.

PWD Minister Pu Lal Thanzara chuan PWD leh CYMA ten kawng, lei, insak thlengin thawhhona thuthlung an ziak chu lawmawm a tih thu a sawi a. Heng thawhhona avang hian kawng quality tha zawk  a thlen ngei a beisei thu sawiin chak taka hnathawh a nih ngei a rin thu a sawi a.  Mizoramin kawng tha a neihna tura thahnemngai taka an thawh nan duhsakna a hlan a. Tunhnai ruahsur nasa avangin kawng ping a awm nual a, rang thei ang bera tihfai a nih theih nan hmalak a ni tiin thla hmasaa khawl lei thar JCB 3DX Super Backhoe Loader ,Tipper TATA LPK 912 leh Bolero Pickup 4 Wheel Drive te kha kawng a tlang theih nan tangkai takin hman an ni, a ti.


Central YMA President Pu Vanlalruata chuan thu sawiin nikuma YMA Conference, Zotlang, Champhaia neihah khan agenda-ah Mizoram chhunga inkalpawhna kawngpui tha leh changtlung zawk kan neih theih nan CYMA in hma la rawh se tih a rawn lut a, chumi bawhzuina chuan PWD nen inremna thuthlung ziah a lo ni ta a ni, a ti a.  Kawngpui hi mizo mipuite ta a ni a, PWD in an enkawl a ni tih kan hrethiam tan a ni, a ti a. Ram hmasawnna atan kawngpui tha neih ngei a pawimawh thu a sawi bawk a ni.

PWD E-in-C Pu R. Vanlaltluanga chuan thu sawiin khawtlang mipuite kawng tha neihna turin an tangkai em em a ni tiin Hlimen, Samtlang leh Lungleng khuaah bultan nan kawng siam that leh tihfai chungchangah khawtlang mipuite nen thawhho a ni, a ti a. PWD in NEDP atanga hnathawhna tura sum hmuh 3% chu lei thuamthat nan hman a ni ang a, 27% hnathawh kal mek leh PWD hmachhawp hrang hrang te tan niin 70% chu kawng neih sa thuamthat nan ruahman a ni, a ti.

PWD Principal Secretary Pu Lalram Thanga, IFS, PWD E-in-C Pu R. Vanlaltluanga, Chief Engineer Pu K Sawmvela, Chief Engineer Pu R. Lalrintluanga leh PWD officerte leh hnathawkte, CYMA OB member leh Central Executive Committee (CEC) memberte leh MJA President Pu Zonunsanga Khiangte an tel a ni.

Inremna Thuthlung hian thil hrang hrang a keng tel a,chung zinga thenkhat chu:



1)Awareness Campaign

Hna tan a nih hma emaw, hna thawh laiin emaw Branch YMA he hnathawhna in a huam chin ten tul an tih angin hnathawh dan kalhmang inhrilhhriatna neih a ni ang.

2)Information Board

Project intanna leh a tawpna, a paltlang kawng khuaah information board mumal tak tar thin tur.

3)Inspection & Monitoring

Hnathawh laiin hun remchangah PWD leh YMA ten joint inspection an nei ang. Bialtu MLA leh NGO dangte an sawm thei ang.

Heng bakah hian Contractor te nena thawhho dan tur leh in sa tuten an hriattur Guideline for Road Safety ziahlan a ni.

-DIPR

Post a comment

Powered by Blogger.