bawhlhawh paih motorNimin khan MNF Thalaite chuan SIPMIU-in to uchuak taka bawhlhawh paih motor an lei ni a an sawite chu |huampui-ah enfiahin mipui pawisa diklo taka hmanral anih avangin a changtu Minister Pu Zodintluanga chu a office luahzui tlakah an ngai lo tih an sawi.

MNF Thalai Vice President Pu H. Ramdinliana chuan Mizoram Sorkarin UD&PA hnuaia SIPMIU kaltlangin Aizawl khawpui bawlhhlawh paihfai nan Motor 50 Tata 407 LPK tipper a hring 25 leh a pawl 25 a man pangngai let aia toa a lei chu Mizoram mipui zah lohna leh eirukna lian tak a ni a ti a, a changtu Minister Pu Zodintluanga chu Minister Office luah zel tlakah MNYF chuan a ngai lo a, rang taka banna thehlut turin thurawn an pe tih a sawi.


Kum 2016 khan SIPMIU hian Motor lei turin Tender a ko a, kum 2017 khan a man hi pek tlak vek tawh niin MNF Thalai-te chuan an sawi a, Tata 407 LPK hring pakhat lei nan Nuai 21 Sing 2 Sang 3 leh a pawl lei nan Nuai 19, Sing 8 Sang 7, 890 senral niin, Motor 50 lei nan Vbc 10 leh Nuai 27 Sing 7 Sang 2, 250 hman a ni a, hei hi Motor zuartute zawrhna pangngai nena chhutin a to uchuak em em niin an sawi a. Sorkar insawifiahna chu MNF Thalai chuan pawm tlakah an ngaih loh thu leh an endik tih pawh sawiin SIPMIU in motor an lei atanga kum 2 hnu kumin 2018 hian Tata LPK 407 tho hi UD&PA Department chuan an lei a, Serchhip leh Lunglei District-ah te dah a ni a, Motor pakhat hi Nuai 14, Sing 5 chuang hretin an lei a, kum 2 kal taa SIPMIU-in Nuai 21 chuang leh Rs. Nuai 19, Sing 8 Sang 7 chuanga an lei hnu ah Department thuhmunin Motor in ang hetiang em ema man dik lo nasaa a lei thei chu mak an tih thu an sawi.


Mizoram Sorkarin LPK 407 sawmnga an leiah ringawt hian motor man pangngai baka an sum hman tamna hi Nuai 500 aia tlem lo a ni a, hei hi a to uchuak hle niin MNF Thalai te chuan an sawi a, hetiang zat mipui sum hman riral hi hriatthiama sawimam chi-ah MNYF chuan a ngai lo tih an sawi. -AIR Aizawl

Post a comment

Powered by Blogger.