Mizoram Government Lumpsum Grant-In-Aid Higher Secondary School Association (MIGLAHSSA) ten, Mizoram huam chhunga sikul pakua te, Adhoc Grant-In-Aid a hlangkai tura sorkar nawr nan ni 25 chhung school an kkar hnuah, sorkar atangin thu lawmawm lam hriat tur a la awm lo a, hemi chungchangah hian pawl hrang hrangin thuchhuah siamin MIGALAHSSA thil ngiat hi awm an tihpui thu an sawi.
Mizoram Government Aided School Association (MIGASA) chuan Lumpsum HSS pakuate chu Adhoc status-a dah an nih ngei an beisei pui a, awm pawh an ti hle a, an hmalaknate an thlawp tlat tih an sawi a, Mizoram sawrkarin private school engemawzat Lumpsum-ah dah a tum nia an hriat laia kum 20 dawn khawtlangin a lo enkawl tawh leh kum 10 lai lumpsum status-a lo awm tawhte khawih danglam lova, private school thahnem tak school dinna pawh la reilo tak takte nen angkhata hrut rual tumna awm niin an hria tih an sawi a, hetiang hi thil thleng ngai lo a ni a, sorkar chu hetiang zawnga kalpui lo turin an ngen nawn leh tih an sawi a ni.
Tuichangral Zirlai Pawl (TCZP) pawhin MIGLAHSSA thil phut chu awm an tihpuiin, an hmalaknaah hlawhtlinna an hmuh ngei an duhsak tih an sawi a ni. Heng sikul pakuate zingah hian Tuichangral huam chhung sikul, Hmingthangi Memorial Higher Secondary School, Elungdar pawh telin; E. Lungdar leh a chhehvel khua atangin tunah hian zirlai sawmli pakhat an nei mek tih an sawi a, Tuichangral huamchhung Higher Secondary School te hi sawrkar enkawl ‘Government Higher Secondary School’ pakhatmah a la awm lo nghe nghe a ni an ti.
Sinlung Hills Students' Union (SHSU) chuan thuchhuah siamin an Zirlaipui mi 850 ten zirna an chhunzawm leh vat theih nan arang thei ang bera hma lak sak turin Sawrkar an phut tih an sawi a, MIGLAHSSA School te Sawrkar in dinhmun sang zawka a hlankai an phut a vanga School Managing Board Joint Meeting thu chhuak anga July ni 26 naktuk aṭang a August ni 3 thleng heng khaw 9 ah te sawrkar office zawng zawng leh Zirna in zawng zawngte khar a nih bak ah, kawngpui dan tur a ni ang' ti a Resolution an lo siam tawh chu E.Lungdar Joint Action Committee te pawn thudang a awm leh a nih loh chuan thlawp an tum tih an sawi bawk a, E.Lungdar Khawchung a Sorkar Department dawr thinte leh khaw paltlang a Lirthei a zin vei vak thinten harsatna an tawhloh nan an inhriattir lawk tih thuchhuah siamin an sawi a ni.
Mizoram Lumpsum Aided Higher Secondary School Association ten Grant-in-Aid a hlankai an phut vang hian khaw hrang hrang, Sakawrdai, Farkawn, W. Phaileng, N.E Khawdungsei, Zawlnuam, Thingsulthliah, Zobawk, leh E.Lungdar Higher Secondary School te chu thla hlui ni 18 atanga vawiin thlengin khar a ni. - PR
Post a Comment