Mizo hlaphuah thiam Pu Rokunga ngaisangtu pawl Rokunga Memorial Society -in Mizo zinga mi chungchuang, mibik hnena Chawimawina pek tura an siam ROKUNGA AWARD 2018 dawngtu Pu R.Zaikunga s/o R.Rochunga (L),Zaiaveng, Lunglawn Lunglei chuan Ni 27.7.2017 (Zirtawpni) hian a chenna In ah Award a dawn avanga Pathian hnena lawmthu sawina hun hmangin chawhlui a buatsaih.
Rokunga Memorial Society hian he Award dawng tur hian tehfung 7 an siam a, chung te chu.
1). Tlawmngai,
2).Huaisen,
3). Taima,
4). Rinawm,
5). Tuarchhel,
6). Midangte tana hnawksaklo
7). Midangten an ngaihdan te a ni a, heng tehfung hmanga a tling ber hnenah he Award hi pek tur a ni a, Mizoram a YMA Branch 800 atangin *ROKUNGA AWARD* dawng thei tura ngaih, mitlawmngai leh huaisen, rinawm, taima, tuarchhel etc hming thehluh a ni a, Committee chuan ngun taka exam in Mi tha leh tling mi 12 an thlang chhuak a,chuta tang chuan Top 3 thlang chhuak lehin Top 3 atang chuan Pu R.Zaikunga hian mark hmusang berin he Chawimawina hlu tak hi hlan a ni a,Chawimawina hian, monuments,Citation leh tangkafai Cheng Singnga(50,000/) a keng tel bawk a ni.
Pu R.Zaikunga hi Pu R.Rochunga leh Pi C.Laizami te inkarah kum1953 khan Tarpho khuaah lo piangin kum 1963 ah Lunglawn ah hian an rawn lut a,kum 1982 ah T. Chhawnsangi nen inneiin fapa 2 leh fanu 1 an nei a,chhungkuain tuna an chenna ah hian an awm mek.
Primary School Teacher niin tunah chuan a pension tawh a, a pension hma hian tum 3 chu Head Teacher tura appointed a ni a,nimahsela, School pawisa lokalte hman dikloh a hlauh avangin Head nihna chu a pawm duhlo zel a,Teacher pangngaiin a pension ta a ni.
Khawhar in kal rual a nih atangin mitthi lumen ngai an awmin tlaivar loh a nei ngai lova,kum 1973 atanga 2015 thleng khan mitthi lumen ngaiah chuan a tlaivar ngei ngei thin a, kum 1972 atanga vawiin thleng hian thlanlaih naah kal loh a la nei lo.
Kum 1977 a Pangzawl dai leimin avanga lirthei an kaltlang theih loh lai khan a zin tur chu Leimin avang chuan an kal tlang thei bik lova,CP Labour ho chuan leimin chu hlau chung chungin an thian ve a,Ni 4 lai an lo thian tawh a,kopang lam lei chu a min deuh reng avangin CP Labour ho chuan hna chu an lo thawk tha ngamlo a lo ni a, Pu R.Zaikunga chuan, midang tam tak tangkhang reng mai chu hrehawm a tih em avangin hnathawktute hmanrua chu laksakin, leimin heuh heuh reng chung chuan chu lai kawng chu motor kaltheih turin a thianfai ta a,Pioneer ho leh chu laia tangkhang ho chu an lawm em em a, pioneer hotupa ber pawh chuan Pu R.Zaikunga chu huaisen a tiin a fak em em a ni.
Pu R.Zaikunga hi mi taima leh tumruh, thilphal tak a ni a,midangte tana malsawmna thlentu nih hi a tum tlat thin a, Lunglawn Pressbyterian Biakin hmun leh UPC (NE) biak in hmun pawh hi a thlawn a a pek a ni.Tin, tuna a insakna pawh hi amah chauh vin feet 30 bial hi a laizawl vek a ni..
Tuna an awmna ZAIAVENG tih pawh hi amah Pu R.Zaikunga hming chawia phuah a ni a,Lunglawn khawtlang-VC, YMA,MHIP, MUP leh Kohhran te pawhin Lungsi takin ZAIAVENG, LUNGLAWN tih hi an pawm hmiah a ni.
ROKUNGA AWARD dawngtu Pu R.Zaikunga chuan thu tawi sawiin _hetiang ang chawimawina ropui lutuk a dawng hi mak a tiin phulo a in ti hle a,he dinhmun a thlen theihna chhan hi Khawtlang hruaitu leh khawtlang mipuite kaihhruaina leh chhawmdawlna vang chauh a nih thu a sawi bawk_.
ROKUNGA AWARD dawn lawmna hi chawhnu dar 2:30 ah tanin Rev H.Rokhama'n hun a kaihruai a,Pastor C. Lalduhawma Presbyterian Churhin hunserh a hmang. Pu R .Zaikunga lawmman dawn lawmpuitu hi an tam hle a,Lunglawn Lalnu thlahte pawhin pangpar mawi tak a pe a,mimal leh pawl ang te pawhin lawmpuina pawisa thahnem tak an pe a,amah duhsak tu zawng zawngte chungah thinlung takin lawmthu a sawi bawk.
Rokunga Award dawngtu R Zaikunga lawmpui nan hian Dr K.Pachhunga, Lunglawn, Lunglei pawhin pawisa engemawzat a pe bawk. ~ Peka Ngente
Post a Comment