Cricket Association of Mizoram (CAM) BCCI Affiliation Hmuh - TIMES OF MIZORAM

Breaking

Home Top Ad

Post Top Ad

Cricket Association of Mizoram (CAM) BCCI Affiliation Hmuh

Board of Control for Cricket in India (BCCI) in nimin (9.8.2018) khan Cricket Association of Mizoram (CAM) chu a huangchhungah lalut in permanent member nihna a pe a. Hemi chungchangah hian vawiin khan Chief Minister Pu Lal Thanhawla, CAM President ni mek hovin Chief Minister's Office Cabinet Meeting Room-ah CAM hruaitu dangte nen thuthar  lakhawmtute an kawm.




Cricket Association of Mizoram (CAM)

Cricket Association of Mizoram (CAM) BCCI Affiliation Hmuh




Chief Minister chuan Mizorama cricket association din chhoh a nih dan tlangpui sawiin, BCCI affiliation hmu tura hun rei tak association in a lo beihna a hlawhtling ta chu lawmawm a tih thu a sawi a. Cricket chu Mizo thalaite zingah sports discipline thenkhat angin lar lo mahse infiamna tha tak leh eizawnna tling thei thil a nih thu sawiin, thangtharten ngaihven zual zel  se a tih thu a sawi bawk.

BCCI permanent member a nih takah hian CAM chuan kumin atang hian BCCI in fixture a siam sak angin tournament engemawzah ah a tel nghal dawn a. Mizorama Cricket Ground-ah pawh match engemawzah chu khelh theih beisei a ni. India hmarchhak state zingah chuan Assam leh Tripura hi full member ni sa an ni a, tunah hian hmarchhak state dang zawngte chu full member-ah an lut ve ta vek a ni. BCCI inkaihhruaina in affiliated association hruaitute chu sawkar hnathawk emaw sawrkara post chelh mek an nih a phalloh avangin tuna CAM hruaitu ni lai te pawh hi an inthlak a ngai dawn a ni.

1992 ah CAM hi din a ni a. Tunah hian CAM affiliation club 30 a awm a ni.

No comments:

Post a Comment

Post Bottom Ad