TBC Zaithanpuia music video thar 'Jerusalem Zion Khawpui'
Hmanni lawkah music video a tichhuak a, tunah pawh TBC Zaithanpuia chuan hla thar 'Jerusalem Zion Khawpui' a peih fel leh ta der mai. He music video hi zanin dar 6-7 vel hian ama YouTube channel-ah tlangzarh a ni ang.
'Jerusalem Zion Khawpui' tih hi Kristian hlabu a mi niin, Suakliana phuah a ni. Video hi BKL Visual Production kutchhuak a ni leh a, music track hi Zonun Band siam niin, recording hi Gosen Recording Studio-ah tih a ni.
TBC-a hian June 18 khan Kristian hlabu a mi 'Van hmun ropui' tih chu a lo tichhuak tawh a, YouTube lamah pawh a hit hle. He hla pawh hi YouTube channel lamah tlangzarh a ni a, 'Jerusalem Zion Khawpui' tih music video pawh hi YouTube lamah bawk tlangzarh a ni dawn.
TBC-a chuan, "Naupangte ka nih laiin ka pu hian khuangte nen min sakpui ṭhin a, Ka pi-in ka lu chungah kut nghatin Pathian tan min hlan ṭhin. Ka puitlin hnu thleng hian ka theihngilh thei reng reng lo a, thinlung chhungril takah hian Pathian-in a tinung reng a ni," tiin, a pi leh pu ten Pathian tana an serhhran a nih thu a sawi.
TBC-a chuan sawi zawmin, "Khatih lai khan naupang lungmawl mai la ni mah ila, Pathian mi an nih anga min enkawl dan duhawm tak avang khan, Pathian thutakah ka nun hi hruai luh ka lo nih phah a ni," a ti. Pathian hriaa beisei tlattu leh malsawmna a dawn phah zel chhan chu a pi leh pu boral ta thawhrah a nih tu a sawi.
Mizo mipa zaithiam zinga hriat hlawh ber pawl TBC chuan, "Pathian hla ka sak reng reng hi a ngaithlatute thlarau nun chawmtu leh, nun chau leh hnungtawlh mek ta tana chakna thar leh beisei nung an lo neih phahna a nih ngei theih nan Pathian hnenah ṭawngtṭaiin ka hlan fo ṭhin a ni," a tibawk. - Vanglaini
"Ni 18June 2018 khan "VAN HMUN ROPUI" (KHB -489) Ka Music Video chu Ka youtube channel lamah ka lo tlangzarh tawh anih kha Chutiangin, He Hla "JERUSALEM ZION KHAWPUI" (KHB - 194) pawh hi Naupangtê ka nih laiin Kapu in khuangte nen min sakpui thin tho a ni. Naupangté ka nih lai atang Kapi in ka lu chungah kut nghatin Tuk tin a min tawngtai sakin Pathian tan min hlan thin... Tuna ka lo puitlin hnu thleng hian ka theihngilh thei reng reng lo. Ka thinlung chhungril takah hian Pathian in a ti nung reng ani. Khatih lai khan Naupang lungmawl mai la ni mah ila, Kapi leh Pu ten Chatuan ram min pan san tawh mahse, Pathian mi an nih anga min enkawl dan duhawm tak avang khan, Pathian thutak ah ka Nun hi hruai luh ka lo nia, Pathian hriaa beisei tlat tu ka lo nih phah a, Chutiangin Pathian mi hriat leh malsawm ka lo nih phah zel ta niin ka in hria a ni.
Pathian Hla ka sak reng reng hi, Mi te thlarau nun a chawma, nun chau leh hnungtawlh mek ta tana chakna thar leh beisei nung an lo neih phahna anih ngei theih nan Pathian hnenah tawngtai in ka hlan fo thin ani.
Tisa nun leh Thlarau nuna ka puitlin theih nana Hmangaih leh Duat taka min enkawl seiliantu Kapi leh Pu duhtak,
Sangliani Fanai (L)
TBC Lalbela (L)
Hriatreng nan he music video hi ka hlan e." - ' TBC Zaithanpuia
Post a Comment