LALREMSIAMI CHANCHIN TLANGPUI: Kolasib nula Lalremsiami hi MWHA buatsaih Hocky Coaching ah Kum 2010 khan Kolasib ah Coach Malawmi hnuaiah Training neiin a kum leh kum 2011 ah kum 11 mi anih in Thenzawl Hockey Academy thenzawl ah Miss Pari kaih hruaina hnuaiah hockey hi tih tak zetin a zir chho tan a ni.
Mizoram tan tum engemawzat a fehchhuah hnuah Kum 2016 ah National hockey Academy, Delhi a awmtur a thlan niin, november 2016 ah a joint 4th Girls {U- 18} Asia Cup khel tura Mizo player 5 zingah telin HOCKEY MIZORAM te thahnemngaihna zarah, Passport leh kalman te tumsak vek a ni a, India tan Bronze Medal a rawn lak pui a, Kum 2016 vek khan Netherland ah Test Match khelin India tan a fehchhuak leh a, Kum 2017 khan Womens Asia Cup khelin India a Champion pui bawk. Lalremsiami hi mahni inthununna leh thuawihna bakah a talent neihte hi hmuh hmaih a nih lova, Junior Camp atanga SENIOR Team khel pha khawp a, Indian Hockey Coach te'n an thlan chhuah hial ni pha a ni.
Kum 2018 March thla khan South Korea Tour ah Siami Goal hmang hian India an chak phah tawh a, he mi kum vek April ni 4 India chuan Common Wealth Games Australia, Gold coast hmun a neih ah India team zinga naupang ber niin Mizo tan chhuanawm leh chhinchhiah tlak a nih bakah Mizo zinga Hockey Common Wealth Games khel hmasa ber a ni bawk. April ni 25 atanga ni 29 chhung YOUTH OLYMPIC Qualifier {U-18, Bangkok ah khan thlan chhuah a ni leh a, he tah hian Captain tura koh a nih rualin , Assistant Captain ah dah a ni nghe nghe.
May 2018 khan 5th Wome'n Asian Championship Trophy 20K South Korea ah India tan a khel leh a, Final ah Korea hneh lo mahse, Lalremsiami hian "RISING STAR TROPHY" a dawng nghe nghe a ni.
Kum 2018 June thla ah Indian Team te'n Tour neiin SPAIN ah pawh hian Siami hian Goal 2 lai India tan a vawlut bawk a ni. Women's World Hockey Championship khelh mekah Pre Quarter final-ah India chuan Italy 3-0 a hneh in Quarter final an lut ta, Mizo Nula Lalremsiami chuan minute 9' naah goal hmasa ber a thun a, minute 45' naah Neha in thun ve leh in, minute 55' naah a goal thum nan Vandana chuan a thun ve bawk. Lalremsiami hi a khel tha hle ani. Lalremsiami hi Player of the match-ah thlan a ni zui bawk. Tihian Pool a 1-0 a an lo hneh tawh loh Ireland nen Aug.2 ah an inkhel leh anga,
Remsiami hi Pu Lalthansanga leh Pi Lalzarmawii fanu niin Kolasib Khua ani a. Kum 18 -na hmang mekin anun ah Pathianthu innghahna aneih leh a changvawn chu SAM 37-na a ni. He World Cup khelh zawh hian ASIAN GAMES leh YOUTH OLYMPIC 2018 khel tura, Select niin Olympian Mizo zinga Khel thei tura ngaih a ni bawk.
Tuna hian Hockey Mizoram chuan a kalzelna tur ah theihtawp chhuahpui in huamin. An duhsakna sang ber an hian a, Mizoram Khawpui ah ngei Turff Ground neihtheih anih chuan Remsiami ang hi Mizofa zingah talent nei an tam ni a an hriat thu an sawi bawk.
~ B. Vanlalhruaia, MD. Zo-Sports
Post a Comment