MZP-IN FOREIGNER DAPCHHUAH HNA A THAWK - TIMES OF MIZORAM

Breaking

Home Top Ad

Post Top Ad

MZP-IN FOREIGNER DAPCHHUAH HNA A THAWK

MZP PRESS RELEASE
Foreigner 200 chuang dapchhuak tawh

DAPCHHUAH HNA A THAWK

Mizoram sorkar a mutthluk avangin MZP chuan tun hnaiah Mizorama "foreigner' dan lova lut leh luh tum dapchhuah hna a thawk a, mi 200 chuang manchhuah an ni tawh.

Foreigner luhruk nasatna Assam-in tun hnaiah National Register of Citizens (NRC) tiin khua leh tui chhinchhiah hna an thawk a, NRC-a hming chuang lote chu foreigner an nih avangin hmun hrang hrangah an tlanchhia ang tih ringin MZP chuan kumin kum tirah khan inven a tul thu leh sorkarin a tih tur a tih a tul thu a lo auchhuahpui tawh. Assam hian NRC-a hming langte hi July ni 31 khan a puang a, hming lang ve lo mi nuai 40 velte chu an state-ah an lut ang tih hlauvin thenawm state-te chu an inveng nghal a ni. August ni 4 khan MZP chuan thuthar lakhawmtute kawmin inven a tul thu leh August ni 15 thleng sorkar ngaihchan a nih tur thu a aupui leh a, mahse sorkar a mutthluk tlat avangin MZP chuan NRC-a hming lang lo foreigner lakah kan ram leh hnam a him nan ke a pen ta a ni.



August ni 17 leh 18 khan Aizawlah hnam dang thenkhat enfiah an ni a, mi tlem tein hnam dang hmuh remchan theih maite an enfiah chungin foreigner panga hmuh an ni tawh.Vairengte-ah foreigner 16 hmuh an ni bawk.

foreigner dapchhuah hna

Sorkar a mutthluk zel tho avangin August ni 20 (Thawhtanni) zan atangin hmun thumah foreigner dapchhuah hna hi thawh leh a ni a, August ni 21 chhun dar 2:30 thleng khan NRC-a hming chuang lo, Mizorama luh tum foreigner hi Vairengte-ah 127, Saiphai-ah 64, Bairabi-ah 21 dapchhuakin kir tura ngen an ni.

MZP-in foreigner an dap dawn tih puangzar lova dap thut ni ta se manchhuah tur eng zat nge awm ang tih te, MZP-in a lo dapna hmun helin mi eng zat nge kal ang tih te, mi tam zawkin foreigner dap hna hi thawk ta se manchhuah tur eng zat nge awm ang tih ngaihtuahin MZP chuan Mizoram hi ven a ngai a ti tak zet a, Bairabi te hi kawng chhiat avanga Assam atanga maxi cab service an rawn luh loh lai a ni chungin tam tham tak manchhuah tur an awm tho a ni. Sorkarin ram ven hi tul a ti lo a nih chuan Mizo thalaite'n theihtawp an chhuah a ngai ang tih hi MZP ngaihdan a ni.

Hruaitute



Mizorama dan lova 'foreigner' luh tumte dan hna hi MZP Headquarters Kolasib, MZP Sub Headquarters Bairabi, MZP Sub-Headquarters Bilkhawthlir te, Saiphai-a Hmar Students Association Unit leh MZP Sub Headquarters Vairengte te'n an thawk mek a, Aizawl atangin MZP General Headquarters hruaitute'n an thutchilh bawk.

MZP Mizo


Dik lo taka Mizorama luh tum lo turin MZP chuan foreigner-te a ngen a, kan ram leh hnam hi ven a ngai a ni tih leh ram leh hnam humhalh nan theihtawp chhuah a ngai a ni tih hriaa insang mar turin MZP chuan Mizo mipui a ngen a, a tul dan anga penchhuak turin Mizo thalaite a ngen bawk a ni.

Mizo Zirlai Pawl hmalakna



Sd/-
(JACOB LALMUANPUIA)
Secretary i/c Information

No comments:

Post a Comment

Post Bottom Ad