Singapore Mizo : Tv. David Lallawmawma s/o Biakmawii, Tuithiang Veng, Aizawl chuan a thawh mekna Orange Clove Company atangin Luminaries Award-ah lawmman pakhatna a dawng. Lawmman hian $1000 leh trophy a keng tel. (S$ 1,000 hi india Rs 50,000+ hu a ni).

Singapore Mizo


Nikum kum tawp khan a thawhna company in Luminaries Award hnuai chiaha Award an siam thar, STELLA AWARD an semah lawmman 3-na hauhin, SGD 200($200) a lo dawng tawh a. Tichuan, kumina Award an sem leh hmasak berah nikum aia hmasawnin Award sang zawk LUMINARIES AWARD-ah 1-na dawngin trophy leh $1000 hlan a ni ta a ni. A lawmman dawn atanga sawma pakhat hi Pathian tan a hlan nghal bawk.




A hnathawhna ORANGE CLOVE COMAPNY hian nikum 2017 atanga khan mumal takin LUMINARIES AWARD hi a lo sem tawh a. He Award hi customer feedback a point hmu tha te leh customer ten an lo dawr dan atanga rawn fak lettu tam an thlanchhuahte pek thin a ni. .( Hnamdang hnathawk tam tak karah company neitute duhsakna ni lo a, customer chi hrang hrangtena an thlanchhuah Mizo tlangval kan nei hi kan chhuang in kan lawmpui takzet a ni)

Neo Group hnuaiah hian company hrang hrang an awm a, chung company hrang hrang atanga company che tha leh ti tha te chawimawina siam leh thin a ni. Chung zingah chuan Tv Davida thawh mekna Orange Clove company hi Singapore-ah chuan kumtina lawmman eng emaw tal dawng ve ngei ngei tura ngaih khawpin an thilsiam leh kuthnu, an service thlengin a felfai a. Tin, a company huikhawmtu NEO GROUP hi Singapore a no-1 ni lai mek niin World Record te pawh an lo siam tawh a ni. Hetiang company a award dawng thei Mizo tlangval kan nei hi a chhuanawm tak zet a ni.




Amah hi mi thenkhatin an hriat dan turah chuan Aizawl West College a kal laia part time job nei chunga ‘Buaina Chhumpui Kara Hmangaihna’ tih lehkhabu ziaktu kha a ni.

Singapore mizote zingah hetiang mi hi kan awm ta zauh zauh mai a, hman deuh khan Nursing Home a thawk Nula Felina Khaimeichho chuan award leh pawisa fai a lo dawng tawh bawk a ni. Singapore-ah Mizo vul zel rawh se. ~ Merina Zirthanpuii Zathang

Post a comment

Powered by Blogger.