DEPUTY SPEAKER IN SIHPHIR COMMUNITY HALL A HAWNG

NewspaperNimin khan Deputy Speaker Pu R.Lalrinawma chuan Sihphir Community Hall hawnna neiin, khuallian a ni.

Khuallian chuan thusawiin, Community Hall sak nana a tir atanga tha leh zung, ngaihtuahna seng tute hnenah lawmthu a sawi a. Khawtlang tanrual chu hmasawnna atan a pawimawh a ni, a ti a. Community Hall sak nana project neih hi central lam atanga a  harsat tawh avangin, hmun tam takah mamawh ni mah se, duh angin neih belh leh siam that belh a harsa a ni, a ti a. Harsatna tam tak kara Sihphir Community Hall a hawng thei chu lawmawm a ti bawk a ni. Rual awhna nei khawtlang hruaitute hmalakna vangin tun hun hi an thleng a ni, tiin a sawi a ni.




Kum 1997, November khan Rural Development Department hnen atangin Rs 95000/- hmuh niin, bul tan chhoh a ni a. Sihphir Community Hall sak nana sum hmuh belh dan te chu:

Rural Development Department – Rs 17,40,000/-

Local Administration Department – Rs 250,000/-

Pu Vanlalzawma, MP (Lok Sabha) – Rs.800,000/-

Pu Lalhmingliana, MP (Rajya Sabha)- Rs. 280,000/-

Pu R.Lalrinawma, MLA (Aizawl East-1)- Rs 700,000/-

Khawtlang thawhkhawm- Rs. 42,241/-

Total= Rs. 38,12,241/-




Hall hi a dung ft 105, a vang ft 50, a san zawng ft 24 niin, varanda, kitchen leh reception office te a awm a ni. Skylight 14 awmin Badminton, Table Tennis, Fencing leh Sepak Takraw te khelh theih a ni. Sihphir Branch YMA in hall enkawl hna hi an thawk a, hall hman dante siamin, enkawl dan zel turte an duang bawk a ni. He hunah hian Malsawmtluanga Pachuau, Vice President, Village Council chuan kaihruaiin, NGO hruaitu leh member thahnem tak te an tel a ni. -DIPR

Post a comment

Powered by Blogger.