2016 YOUTH ICON STAR RUALTHANCHHINGI (Nono-i) CHANCHIN - TIMES OF MIZORAM

Breaking

Home Top Ad

Post Top Ad

2016 YOUTH ICON STAR RUALTHANCHHINGI (Nono-i) CHANCHIN

-Vanlalruata Pautu 


Youth Icon 2016Mizo Zaithiamte Chanchin 26th September 2018; 2016 Youth Icon Star Nono-i tih a kan hriat lar a hming diktak Rualthanchhingi hi Pu Romawia leh Pi Zoliani te fanu Naupang zawk niin 15th April 1998 khan a lo piang a, a pa hna a vangin kum 2005 khan Saitual ah an chhungkua in an awm chho a, Kum 2013 ah a pa a pensiona,apa a pension hnu thleng pawhin saitual ah hian la awm zui zel'in 2 September 2017 khan Michael Lalruatzela S/o Laldawngliana Ramhlun South (A) Section nen in neiin,A Pasal chenna in lama a awm ve tak a tul miau a vangin a pianna nu leh pa,chhungkua leh a chen mekna Saitual Town chu ngai leh thlahlel Tak chunga a chhuansan alo tul ta a, ti chuan 2017, September 2 atang khan Aizawl Ramhlun South ah a pasal leh chhungte nen an khawsa zui ta ani.

Nono-i pawh hi post hmasa a kan tarlan tawh, a Unaunu Pc. Vanlalhriati (Tenu-i) ang tho khan naupangte anih atanga zai ngaina mi tak leh a thiam ang tawk tawka mahni remchan ang anga zai thin niin, Kum 2012 khan Solo anga mipui hmaa a zai hmasak berna ni turin YP(Young People) inkhawmpui ah a zai a, tichuan a thiam ang tawk leh hun neih ang zelin zai chu inzir chho zelin Central South Division YP Solo Competition kum 2014 a an buaisaih ah rawn'in lan ve lehin Pathumna dinhmun a rawn hauh ani.

[[Mizo Zaithiamte Chanchin Post-na group https://www.facebook.com/groups/274772752733110/ ]]

Zoram mipui atam zawkin kan lo hmelhriat tan tirh na leh kan hmelhriatna chhan ber ni bawk LPS Youth Icon 2016 ah a vawikhat nan zoram mipui hmaah a rawn'in phochhuak ve ta rawih mai a, Youth Icon kaltlang in mite'n a zai an ngaihthlak'n an duh hle a, a zai te chu hlut tu an lo pung chho tulh tulh reng bawka ,amah duh tu leh ngaina tu pawh top 10 huang a rawn dai chhoh meuh chuan an tam narawh e..

A zaithiamna chuan Icon zinkawng chu hmalam pan pui ve zelin, top -6 nihna dinhmun a rawn hauh pui thei hial a ni. Icon zinkawng alo tawp hnuah pawh zai chu chawlh/ban san mai a tumlo, icon zinkawng a tawp hnuah chuan zai tura sawm tu pawh a ngah in ,nitin deuhthaw maiin program a nei deuh reng a, a zirna lamah rilru pek a ngaih a vangin zai tura sawmna a dawn tamtak pawh zirna a vangin a tihlawhtling vek theilo hial a , chutiang khawp chuan duh tu leh ngaina tu,amah tan em em tu leh zai tura sawmtu thahnem tak a nei chho hial a, tun thleng pawh hian fan's ala ngah hle a,Nono-i hian zaithiam avang hian chawimawina thahnem tak a lo dawng tawh bawk ani.

RUALTHANCHHINGIYouth icon star Rualthanchhingi (nono-i) hian Music video pakhat nei tawh in, 2016 khan Christmas chibai tih hla a rawn siam a, YouTube lam ah en/thlir theihin a awm a,tamtak chuan Kan ngaithla ngei tawhin a rinawm. Lyrics video 'Min kai rawh' tih hla a siam bawk a, heipawh hi YouTube lamah bawk entheihin a awm, hla hrang hrang cover nei nual bawk in heng a hla cover te pawh hi Cable TV lama dah lovin YouTube lamah thir theihin a awm nual bawk. Youth icon a tel Hun laia a zai ho pawh kha Zorimawi YouTube channel ah en tur awm nialin entu leh hlut tu pawh a ngah khawp mai.

Nono-i hian ahla sak tehi Cable Tv lamah hian a dah tamlo hle a, a tlangpui in a hla tehi YouTube channel lamah a dah tlangpui, amah nono-i pawh hian tihian a sawi bawk. Ka hla sak ve ang chhun chhun te hi Cable TV lama dah ka rilruk vak ngai lo hrim hrim, YouTube lama ka dah hian ka duhtawk deuh mai thin tiin a sawi.

Zirna lamah Class 12 zir zo'in, chumi hnuah Diploma Course in Fashion Designing a zir zo leh a, tunah hian Online Shopping lamah kal in Cash On Delivery ati thin a,ama tawk ah abuai ve hle tura ngaih ani.

Sawi tawh ang'in Nono-i hian 2 September 2017 khan Michael Lalruatzela nen innei'in, Aizawl Ramhlun South ah a pasal leh chhungte nen an khawsa mek a, Michael-a nen hian fanu pakhat Hannah Lalchhanchhuahi chu 10th October 2017 khan neiin, vanduaithlak tak maiin an fanu Hannah-i chu 8th November 2017 khan Septicemia natna avangin thlakhat em pawh a tlin hmaiin an lo sun tawh bawk a ni, an fanu famta Hannah Lalchhanchhuahi thih cham vawikhatna pual hian 8th November khian rokhawlhna lian tak a awm a nihloh chuan music video tihchhuah atum a,tunah hian inpuahchahna a kalpui mek bawk, famta a fanu Hannah puala music video a rawn tihchhuah tur hi "Athi Ka Thi"tih a ni a,he hla phuah thu hi Cd-a Stage niin(Stage tih hi an band hming sawina) Hla leh Recording hi Stage Production ang'in a kal dawn a,Video lam erawh Remruata Bilywaif kutchhuak a ni thung dawn ani.

A fanu famta puala Music Video a rawn tih chhuah tur hi A fanu Famta nghilhlohna hla nimahsela,a fan's te tan chuan ngaihthlak a nghahhlelhawm tawh khawpin a rinawm ,chutih rualin an tuarna te kan hriat in athar in kan tuarpui tak zet a,an lungngaihna leh lunglenna te a thar in Lalpan thlamuan leh se tihhi kan tawngtai puina ani..

Nono-i i kal leh zelna turah tluang tak leh tha taka i kal chhoh zel theihnan Mizo Zaithiamte Chanchin(MZC) Group chuan duhsakna sang ber a hlan che a, in nupa a damna leh hriselna tha nei zela Fanuau rochan duhawm tak in neih leh ngei theihna turin thinlung leh tihtakzet in duhsakna chibai kan buk bawk a che u.

No comments:

Post a Comment

Post Bottom Ad