Kumin 2018-a Mizoram inthlanpui lo awm turah hian, Kohhran mite chen tamna leh Kohhran hmunpui area awmna ni bawk 30 Lunglei North AC ah. MNF hian tihfuh zet mai an nei tlat niin alang. Naupan tet a tanga Kohhran bel tlat, Pathian tih mi nia amah hretuten an sawi, Dr. Laltanpuia chu he bial vil mektu-ah hmangin MNF Official Candidate atan rin chhunzawm an tum a ni awm e.
Dr. Vanlaltanpuia chu tunge ni? Engvanga Pathian tih mi ni-ah leh Kohhran bel tlat ni a, an sawi ngawt ngam le? A chhan i han sawi teh ang...
Dr. Vanlaltanpuia hi Pukpui a, Upa Lalrinchhunga fapa niin a nupui hming chu H. Lalremruati a ni.
Dr Vanlaltanpuia hi thiamna lamah MA: Ph.D niin High school hi Christian High School Serkawn atangin a zo va, PUC hi Lunglei Gov't College atanga zovin BA hi Union Christian College, Barapani ah a kal thung. NEHU Shillong atanga MA zovin Ph.D hi Indian Institute of Technology Guwahati atangin a ni thung.
Dr Vanlaltanpuia hian Kohhran lamah sulhnu a nei tam tawh a. TKP office bearer pawimawh a chelh kim vek tawh ti pawhin a sawi ngam awm e. TKP President, Republic vengthlang kohhranah. TKP, vice president leh Secretary, kohhran hrang hrangah a lo chelh tawh bawk a. Zaipawl lamah lah a lo thawhhlawk narawh e. Republic vengthlang kohhran zaipawl conductor, Central church kohhran zaipawl conductor, Republic bial zaipawl conductor, te a ni tawh bawk BCM choir 2000-2002 ah hial a lo tel tawh bawk.
Aizawl a TKP coordination buatsaih Aizawl khawchhung Zaipawl intihsiaknaah Best conductor award hial la tawh a nih avangin Kohhran mite tawngtai chhanna chu zu zawrh hi a ni tih sawitu lam tangah a in phal ngai lovang tih a rin theih. Pastor-te Pathian thusawi huai nan a zu in tur a fuih duh khawp leh KOHHRAN KAN RAWN DAWN LO titute zing a tel aichuan, a dinna bial Kohhran hmunpui zahawm zia hriain minute khat pawh inngaihtuah lovin, arang arangin, a thutthleng chu a kalsan nghal nal nal in a rinawm zawk.
Lunglei tan leh Zoram thalai, nu leh pate tan Dr.Vanlaltanpuia hian engnge tangkaina a lo neih ve tawh tih hi zep tel zeuh teh ang!!!
Dr.Vanlaltanpui hmalaknain Lunglei Gov't College a Philosophy Department hi din a ni a. Amah hi Faculty niin kum 6 zet a zirtir a, tunah hian Pachhunga University College(PUC)-ah kum 2005 atanga thawkin tunah Asst. Professor in Philosophy Department ah senior a ni mek a ni.
Dr Vanlaltanpuia hi MNF Party-in, kumin inthlanpui a champion pui an tum, SEDP duangtute zing a telpha a ni tlat bawk.
Source: Biaka Lalbiaklawma
Post a Comment