Mizo National Front: Vawiin ni 29.9.2028 (Zirtawpni) hian MNF Sub-Hqrs Lunglei Mizo Hnam Runah Pu R.Tlanghmingthanga, MNF Vice President chuan kumin 2018 kum tawp lama MLA Election lo awm turah, General Headquarters, Sub Hqrs, District Hqrs tinah mumal leh tha zawka Pathian leh kan Ram tan inthlan kalpui a nih theihna turin Campaign Directorate din chu, Sub Hqrs Area-a Campaign Directorate member-ten hnathawh an tan nghal theih turin 'Kick Off'-na hun a hmanpui.

MIZO NATIONAL FRONT


Pu Tlanga chuan thusawiin, "Election kan hmachhawn turah hian Mizoramah Pathian duh zawnga Ram kaihhruai tumtu MNF Party leh kan Pathian leh a Kohhran bakah, NGO-te hmusittu CONGRESS party nen kan inbei dawn, keini MNF-te chuan, kan innghahna 'Thenkhatten Tawlailirte hmang mah sela, keini erawh chuan Lalpa kan Pathian hming kan lam zawk ang' tih hi hre reng ila, hnehna chang ngei turin mahni hmazawn theuhvah theitawp kan chhuah a tul a ni," a ti.

Pu R.Tlanghmingthanga chuan, "Hun hmasaah khan kan tih tur ngei ngei ni si, kan hriat loh avanga kan tih loh te, kan Hnam sipai, martarte chhungkua kan lo hriat tawk loh avangin kan member engemaw zat chu lungawi lovin kan siam a ni tih kan hriat hian a pawi kan ti vawng vawng a, ngaihdam kan dil a ni.
Tunah chuan MNF hi a piangthar tawh a, a hruaitu zawng zawngte Minister emaw MLA emaw nih kan tum vek khan harsatna min siam a ni. Chuvang chuan, kumin inthlanah hian Party Office atanga kan minister leh MLA-te kal dan tur lo enpuitu tur kan awm hi a tul a ni tiin kan hotuten ngaihtuahna tha tak mai an rawn duang chhuak ta a, Kei hi Minister emaw MLA emaw ni ve tawh lovin Hnamrunah, Pathian leh Kan Ram tan thut ka lo tum ta a, chuvang chuan kuminah hian MLA inthlanah hian ka in-candidate ve dawn lo a ni," a ti.

Campaign Directorate Kick Off Program hi Pu F.Lalsawmkima, MNF Sub-Hqrs Vice President-in a kaihruai a, Pu TC Pachhunga General Secretary pawhin thu a sawi bawk.

Chawhnu dar 1-ah Campaign Directorate member-te hian Pu Samson Zoramthanga in, Lunglei Chanmariah committee vawi khatna an nei zui nghal a ni.

~MNF Press Release Memo No.MNF/Media/2018/01/302

Post a Comment

Powered by Blogger.