Mizo Puanchei Hming Chi Hrang Hrang

Puanchei : Puanchei hi kut ni vang thla leh inneih niah an bih thin. Puanchei rem tur hian Kawrchei siam leh a ni a. Mizo incheina mawi bera ngaih a ni.

Puanlaisen : Puanlaisen hi kut ni vang thla leh inneih niah te bih thin ani.

Tualtahpuan : Mipa leh hmeichhe hman bik awm hrangin , kawr atante pawh an hmang thin.

Pawnpui : Hmeichhe pasal nei turin an chhawm ngei tura ngaih a ni a. chhungkuaina an insintawm thin, mut puan zinga pawimawh ber pakhat a ni.

Pawnpuite : Pawnpuite hi Pawnpui ang tho a ni a, zan mutnaa an sin thin a ni. Pawnpui aia te zawk a ni a. Chuvangin Pawnpuite tih a ni. Nula tlangval khum hrang changte hman thin a ni.

Hmaram : Hmaram hi Tleirawl incheinaa ngaih a ni a. Chi hnih awmin, Kawkpuizizial leh Lenbuangthuam te an ni.

Ngotekherh : Ngotekherh hi Mipa leh Hmeichhia te'n inchei nan an hmang ve ve.

Puankawp : Mutbu zinga pawimawh tak pakhat a ni a, awngphah atan leh sin atante an hmang.

Naipuakpuan : Naupuakpuan hi nau puak nan bika siam a ni.

Pawndum : Pawndum hi Zawlpuante pawh an ti bawk. Hmeichhe pasal nei tur chuan a chhawm ngei tur zinga mi a ni. A pasal a sun a nih chuan a Pawndum chhawm hian a ruang a khuh tura ngaiha ni.

Mangpuan : Mangpuan hi Thangchhuahpa incheina a ni. Mi nazawngina inchei nana hman theih a ni lo.

Tawllohpuan : Tawlhlohpuan hi an thil tihah an hnungtawlh dawn lo a ni, hnehna an chang ngei dawn a ni tih lan nan an silh thin a ni.

Puanrin : Puanrin hi tleirawl incheina, kutni vang thlaa an incheina a ni.

Arsi hni : Arsi hni hi Zo hnahthlak zinga Lai

leh Mara puan bik a ni.

Hnitial : Hnitial hi Lai hmeichhe puan a ni.

Hnite : Hnite hi Lai hmeichhe naupang (tleirawl) incheina puan a ni.

Kawlhni : Kawlhni hi Mizo hmeichhe puan a ni. Zotawn : Zotawn hi Bawm hmeichhe puan bik a ni.

Saipikhup : Saipikhup hi thil tih pui nikhuaa, Thado hmeichhia leh mipa incheina puan a ni.

Lusunpuan : Lusunpuan hi Zo hnahthlak zingah Gangte hian Lusunpuan bik hmeichhia mipain an nei hrang.

Kawlpuan : Kawlpuan hi thil tih pui nikhuaa, incheina chi khat a ni.

Puantial : Puantial hi Gangte hmeichhe incheina puan a ni.

Thangnang : Thangnang hi Zo hnahthlak hnam chi khat Kuki hmeichhia leh mipa inthuamna puan chi khat a ni. Kut ni Vang thla inchei nan an hmang thin.