RC Champhai Filling Station - Times of Mizoram - TIMES OF MIZORAM

Breaking

Home Top Ad

Post Top Ad

RC Champhai Filling Station - Times of Mizoram

CHAMPHAIAH FILLING STATION THAR HAWN A NI
RC Champhai Filling Station

Bharat Petroleum Co-Operation Ltd. Siam Filling Station thar RC Champhai Filling Station chu vawiin khan Pu Abraham Beirazi Khithie, SDO Sadar, Champhai  chuan khuallian niin a hawng. 

Thusawiin khuallian chuan Champhaiin Petrol leh Diesel Filling Station thar a nei chu hmasawnna ropui tak a ni, a ti a. Hmasawnna tluantling leh tha thlen tur chuan hmasawnna ruhrel siam hmasak angaih thu a sawi a. RC Champhai Filling station thar hawn tak chu hmasawnna ropui tak a nih thu leh duhtawk mai lova hmasawn tum zel turin a chah a. Lirthei neitu leh mipui mamawhtu zawng zawngte tana malsawmna nih tum tur a fuihin an kal zelna turah duhsakna a hlan a ni. 


Filling Station thar hawnna hun hi Pu T. Laikunga President, Zote VC chuan kaihruaiin, Rev. Laltanpuia Colney, Zote Bialtu Pastor chuan Pathian hnenah a hlann a. Pi Lalrofawni, Dealer chuan Filling Station puitlin theihna tura hmalaknate a tarlang a. August ni 20, 2018 atang khan Petrol leh Diesel-te hi a mamawhte hnenah hralh chhuah a nih tawh thu a sawi a. Pu T. Rochungnunga chuan lawmthu sawiin hun a khar a ni. -DIPR

No comments:

Post a Comment

Post Bottom Ad