CHANCHINTHAR: Dated 8.9.2018 Inrinni khan Siaha District Hospital compound a hnatlang Siaha Vaihpi MTP te chu Pu N.Zakhai CEM nen kan tlawh a, Faina lamah Mizoram chhung Hospital zawng zawng te an intihsiak mek a vangin Siaha District Hospital a thawk Doctor leh Nurse leh thawktu dang te nasa takin tihfai hna an thawk mek a ni.
Hetiang a ni a vangin NGO leh VC hrang hrang ten Hospital leh a compound tihfai hna an hnatlang tawh a, MADC a thawkte pawhin dt 11.9.2018 ah an hnatlang ve dawn a ni. Siaha District Civil Hospital Superentendent Dr Sangtea (specialist in Surgery) hovin Dr S. Pakhai (Specialist in Medicine) Dr K. Rakhu leh Dr Samuel Fanai (Specialist in Padiatrician) te’n min lo wel-come a, Hospital building thar leh khawl leh hmanrua tam tak an nei thar te en sak tura min ngenna angin min fanpui bawk a.
Siaha Dist Hospital a tan NEDP atanga hmanraw mamawh hrang hrang Rs 1,65,00,000.00 lai in an leisak te room hran hranah an dah mi min en pui a, a lawmawm rualin thla pawh a muang tel a ni. Siaha District Hospital pawh NEDP sum a vangin an changtlun sawt tawh hle tawh a ni.
“Hmanrua hi Mizoram sawrkar in engtinnge an rawn pek che u” tia ka zawhna chu hlim takin kan mamawh kan dil a piang NEDP sum atangin min leisak a, kan sawrkar chunga kan lawm hle a ni” tiin an Superentendent in min chang a, Hnimhlum pekna khawl Rs 25,00,000.00 man phei chu a chuan ziah leh a lawm ziah min hrilh bawk. Baby Warmer khawl mamawh zat an nei thu min hrilh a, hmanrua leh khawl chi hrang hrang te min entir bawk.
District Hospital Building thar pawh dt 1.10.2018 ah an hawn thei tur phurh takin min hrilh a, khawl leh hmanrua chi hrang an nei tawh a, Hospital building luah hlan an nghakhlel thu an sawi bawk a ni. Hospital building thar hawn tawh mai tur min enpui bawk a ni. MADC area awm te tan Hospital building tha tak leh khawl leh hmanrua kim taka kan nei thei a lawmawm em em a ni. Mizoram Sawrkar chungah lawmthu ka sawi tak zet a ni.
Siaha District Hospital ah Doctor leh thawktute an fel in an taima em em a, an hna ah an rinawm a, fak an phu hle a ni. Chutihlaiin Hospital hi kan ta a ni tih hre chung mipui ten ti bawhlawh love kan hawn fel ve hi Kan tihtur a ni.
Inrinni leh tun thawhkehni lo awm tur a Hnatlang thawkte thingpui leh chhang lei nan CEM in Sum Superentendent kutah sum a hlan a, bawhlawh bawm 3 pek tawh a ni na chungin a dang panga a pek belh bawk a ni. ~ M.h. Tiabi
Post a Comment