ALL MIZORAM GOVERNMENT CONTRACT EMPLOYEES ASSOCIATION (AMGCEA) - TIMES OF MIZORAM

Breaking

Home Top Ad

Post Top Ad

ALL MIZORAM GOVERNMENT CONTRACT EMPLOYEES ASSOCIATION (AMGCEA)

Memo No. AMGCEA/2/2016/PH-2018/1
Dated Aizawl, the 6th October, 2018

PRESS RELEASE

times of MizoramJun 04, 2018 a Cabinet Meeting in Mizoram sawrkar hnuaia hnathawk hrang hrang, contract a thawkte pawh huam tela 7th pay revision benefit pek tur a thutlukna a siam kha lawmawm kan ti hle a. *Chutihlai mek chuan, thu lungchhiatthlak tak, Contract employee te 7th pay pek an nih ve dawnloh thu sawrkar lam atangin kan dawng a. 7th Pay kan dil laia, 6th Pay pawh nilo, Pay phuahchawp tak mai a min awmtir an tum hi mak kan ti a! Hetiang thil hi tunhmain a la thleng ngai lo a ni. Contract employee te hi Pay revision thar mil zela awmtir kan la ni ziah a. Hetiang anih chuan hamthatna hrang hrang regular ho anga kan lak ve theih zawng zawng te pawh a bo vek dawn a ni. Chuvangin, 7th pay anga hlawh min pek ve hi kan phut tlat a ni.

1. Finance Minister hova Finance Officer meeting 25th September, 2018 a neih chuan contract employee-te 7th pay matrix table a, minimum cell hmang ve turin a rel a, meeting minute pawh Finance Minister approval hial hmuh a ni tawh nia hriat a ni.

2. Vanduaithlak takin proposal thar siam leh niin, 6th Pay pawh nilo, Pay phuahchawp hmanga contract employee te hlawh pek rawtna chu pawm a lo ni leh ta a. Finance Minister-in a pawm thlap tawh hun reilote chhunga thlak danglam a ni hi a mak hle a ni.

3. Supreme court meuh pawhin equal pay for equal work chungchangah judgement a lo siam tawh a. India ram State/UT tamtak te pawhin an lo kalpui daih tawh a ni. Chuvangin, 7th pay zulzui a hlawh lak ve ngei hi kan chanvo (right) niin kan hria.

4. *Sawrkar tihhautak kan duhloh avangin, 7th pay a a hniam thei ang ber kan dil a. Increment, Dearness Allowance, HRA leh SCA te phei chu dil tel a ni lo hrim hrim a ni*.

5. Contract employee-te hlawh hi kum 2013 atang khan a pung tawh lo va. Sawrkar hnathawk dangte hlawh a pun reng avangin leh thilman a san chhoh zel avangin harsatna tamtak kan tawk a ni.

6. Kum tamtak hlawh pung lova kan awm avang leh sawrkar hnathawk dangte hlawh a kum tela a pun reng si avangin, pay revision a thlen meuh chuan kan inthlauhna a nasa tawh hle thin a. Hei vang hian pay revision pawh hi kan nghakhlel hle thin reng a ni.

7. Contract employee te hi Open Advertisement hmanga DPC/MPSC kaltlanga lak kan nih avang te, sawrkarah mawhphurna tam tak kan neih avang te leh, sawrkar tana thahhnemngai taka, hah taka thawktute kan nih ve avangin Mizoram sawrkarin kan chanvo min pek ngei kan phut tlat a ni.

5th October, 2018 khan Chief Minister-ah ngenna thehluh a ni a, a copy hi Finance Minister-ah pek tel a ni bawk. Kan dilna hi kan sawrkar chak tak hian min ngaihpawimawh sak a, 6th pay a kan grade pay mil theuh a, 7th pay revision, pay matix table-a Minimum Cell ang tal a hlawh min pek ngei kan beisei a ni.*

Sd/- J. Lalhruaitluanga
President
AMGCEA

Sd/- K. Vanlalruata
General Secretary
AMGCEA

Memo No. AMGCEA/2/2016/PH-2018/1 : Dated Aizawl, the 6th October, 2018

No comments:

Post a Comment

Post Bottom Ad