Er. R. ROHMINGLIANA BIHCHIANNA - TIMES OF MIZORAM

Breaking

Home Top Ad

Post Top Ad

Er. R. ROHMINGLIANA BIHCHIANNA

34 THORANG BIALA MNF CANDIDATE Er. R. ROHMINGLIANA BIHCHIANNA


MNF Candidate
Minister chakber bial a sawi Thorang bial mipuite hi Kut hnathawk, Nul siama an thlai thar hralha sumdawng thin, lo neiha eizawng, Thingzai etc hralh a eizawng thin niin hetiang a eizawngtuten harsatna an tawkna sa a, kawngpui tha an neih loh avangin khelmual ni lovin kawngpui tha a mamawh. Mahse, an mamawh an nei lo. Minister hausa ni lovin Minister hnathawk tha an mamawh. Tun Sorkar a Minister chakber pawl chu an MLA nimahse, an khaw luhna kawngpui ber a that si loh avangin an ril a tam reng tho va, an retheih luat vangin chu muala inkhel hman pawh chu an awm lo! An khelmual te chu phul hmun chamdiai a chang zo a ni ber mai!!

Mahse, Thorang bial mipui tan hian beiseina mei erawh a mit hlum thak love, Politics hi mimal hausak thutna tur a ni lova, hausa tawhsa hausak belh vakna tur a nilo tih hre chiangtu. Lalna leh thuneihna it avanga khelh chi a ni loh zia hria a inpumpekna nen a Bial mipui leh ram hmasawnna tur atana hnathawhna tur hmun a ni tih hrechiangtu Er.R.Rohmingliana chu MNF lamin Thorang bial khaichhuaktu ni turin an dah ta tlat mai. Duhthlanna in ta a ni e...

He bial chhungah hian Chakma leh Tuikuk an tam avangin a bialtu nilai thla a muang tih a chiang reng a, Chakma-ho hnenah 'Min vote loh chuan MZP ka vuaktir ang che u' a tih duhhlauh phei chuan vote loh ngam chi a ni ta lo ve ang tih a hriat theih reng laiin Er.R.Rohmingliana hi a at huai deuh a puh mai chi a ni long maw?

Er. R. ROHMINGLIANA HI TUNGE A NIH?

Unau pasarih zing a mipa neih chhun 10.10.1972 a piang, Er.R.Rohmingliana hi Upa.R.Lalruala leh Pi Lalpari te fa naupang ber dawttu niin Bungtlang(Serchhip Dist) ni taah piangin a nu hi Lalpari sailo(L) hi Lungchem Lal fanu niin Apa Upa.R.Lalruala hi Lungsai khua a ni.

Er.R.Rohmingliana hi Aizawl Ramhlun North veng niin a nupui T.Linda Lalchhingpuii(Asst.Prof. RIPANS) nen kum 2003 khan inneiin fa mipa pakhat leh hmeichhia pali neiin mimal eizawnna Industry a din chu an eizawnna ber a ni.

Er.Rohmingliana pa Upa.R.Lalruaia hi Serkawn High School chhuak niin pawl thum an zirlai a chhimlam pumpui a pahnihna ni phak, zir zel chak mahse, zirtirtu(Sap) te thu hnial hreh avanga zirtirtu a Lungchem a thawk ta niin kum 2002 khan a pension hma hlekin India President Avul Pakir Jainulabdeen Abdul Kalam hnen atanga National award for teacher dawng pha ngat a ni.

Mizo thufingin Sial rangin Sial rang a hring tih angin Sailo Lal tupa leh Zirtirtu tha fapa na na chu Er.R.Rohmingliana hi zirna ah pawh a chhuanawmna na rawh e. Bungtlangah zirna tanin vairamah Hostel-ah te zirin Matriculation tha tak a a zawh hnu-ah Pachhunga University College atangin Pre-Universitu Science subject zovin Engineer nihj tum a lehkha zir nimahse a nu in Doctor ni tur a abeisei avangin subject pawh alak tam phah a. A tuina zawk Engineer zir chu a nu a hmin theih avangin kum 1995 khan Engineer chu tha takin a zo ta a ni.

Engineer a zawh hlim hian PWD hnuaiah Airport chu nikhat atan a zawm a. Lehkha a zirlaiin State dangte changkan zia a hmuhin Politics luhchilha ram siam that a vei em avangin Sorkar hna aiin MA(Eco) leh LLB zir a thlang leh ta zawk a ni.

Pathian leh kan ram tan tiin kum 1997 khan MNF zawmin MNF Gen-Hqrs Aizawl-ah Joint-Secretary atanga bul tanin kum 2003 a Secretary a a kaisan hnuah kum 2009 khan Gen-Secretary ni tanin he mawhphurhna hi vawiin thlengin a la chelh a ni.

Er.R.Rohmingliana pa Upa.R.Lalruala hi BCM upa niin a nu hi a thihni thleng a Rawngbawltu niin amah Er.R.Rohmingliana hi Zoram Pawn Mizo Kohhran a Tual Upa atan a thlan tawh Kohhran Secretary, KTP Leader leh Secretary ni tawh niin College a kal lai a Evangelical union a President leh secretary hial han ni tawh a ni.

BCM Ramhlun North a lawi hnu hian BMP OB ni zak zak tawh niin kuminah erawh Inthlan Campaign avangin mahni lawina Kohhran a FOD a puipa chan erawh remchang dawn lova a hriat avangin a pha ta a ni.

Er.R.Rohmingliana hian lehkha a zirlai hian zirlai pawl ah theih tawp chhuahin Zirlai hruaituah te atang thin a. Engineer a zirlai phei chuan All India huap a President hial lo ni tawh a ni a. YMA ah Life member nimekin Sport Association hrang hrangah Mizoram pum huapa hruaitu ni tawh thin leh vawiin ni thleng a pawl thenkhat a hruaitu nihna chelh mek a ni

Union Minister Shri.A.Raja chuan BSNL Advisory Board ah a lo telh tawh a. Mizofed Limited ah hian Board of Director leh Board Chairman te ni tawhin kum 2007 khan Friendship Forum of India chuan Rising personalities of India a award an hlan tawh nghe nghe a ni.

Thorang bial mipuite u duhthlanna dik in siam chuan inhmabak a eng e. Mahse, a kawng erawh a chhuk chho dawn hle mai.

Information & Publicity Deptt
MNF Sub-Hqrs Lunglei

Post Bottom Ad