C-20 Futsal World Cup - Columbia 2018 khel tur Mizo players pathumte phochhuahna hun

Vawiin chawhma dar 11 khan The Grand Hotel-ah C-20 Futsal World Cup - Columbia 2018 khel tur Mizo players pathumte phochhuahna hun hman a ni

He hun hi Futsal Association of Mizoram buatsaih niin October thlaa India Preliminary Squad-a koh, Mizo futsalers panga zinga final squad-a koh leh tak Mizo futsalers pathumte chu fuihna thute hrilh niin, Mipui hmuha tlarzarh an ni.

Hu hun hi Pu Laltlanthanga, Secretary, Mizoram State Sports Council chuan Khuallian niin a telpui a. World Cup khel tur Mizo futsalers te a fuih.

U-20 Mizoram team Nuai hnih a Sponsortu Pu Lalthanzauva Greenland Higher Secondary School Principal leh Pu Vanlalpeka U-20 Mizoram team Jersey sponsortute chu he hunah hian Special Invities an ni.

Pu Tlana chuan, "Tun hnai maiah Mizoten futsal game kan hmelhriat ve a ni a, kan game khelh chi tak a lo ni bawk nen thil kal chhoh dan ka hmuh hian ka lawm hle a ni. Tin, Futsal Association te hmalakna hi a ropui ka ti hle bawk a ni," tiin a sawi.

Tin, World Cup khel tur Mizo players pathumte fuihin, "Heti ang hun tha in nei hi in vannei tak zet zet a ni. Thawkrim u la, bei fan fan u la, tichuan nakin zelah miten in chanchin ngaihnawm takin an la sawi dawn a ni," tiin a sawi bawk.

He players tlangzarhna leh thlahna inkhawm hi Futsal Association of Mizoram Vice President, Er. R. Lalrinkima chuan kaihruaiin, Secretary General Lalmuana Guite chuan player-te hmelhriattirna hun a kaihruai bawk a ni.

Heng players pathum - Lalruatsanga, Chawlhhmun, Lalremtluanga, Dawrpui, H. Vanlalduhsaka, Govt. Complex te hian naktuk tahrik ni 10, November khian Delhi an pan dawn a ni. Ni 11-14 November inkar Campah an awm ang a. Ni 14 tlaiah Mumbai panin chuta trang chuan Colombia an pan dawn a ni.

He C-20 world cup hi Columbia-in a thleng dawn a November ni 17-26 chhunga khelh tur a ni. India hian Opening match-ah a thlengtu ram Columbia an hmachhawn nghal dawn a ni.

Pu H. Lalawmpuia Sr. Vice President FAM chuan World Cup khel tur naupangte tana vehbur kan khawnna a milo khawngaih a tranpuina petute chungah lawmthu sawiin programme a khar a ni. ~ Muana Guite‎