MARKET-A BUAINA TUR AWM LO THLAI KUMHLUN SACHA INCHI I CHINH UAR ANG U



thlai hralhna thaKum 2016 atang khan Zo Agri Business Solution chuan Mizoramah a la lut tan a. Mizoram sik leh sa, ruahtui tlak dan nen a inmil hle a. Tunah hian a ching tawh leh tharchhuak tawh pawh an awm nual a. Ching tawh inchhir an la awm lo. An huan an zauh zel zawk a ni. Sacha Inchi thatnate hi tarlan fo a ni tawh a. Ei mai theih tura siamsa, Mizoram siam, Mizoram tharchhuah, Mizoramah zawrh chhuah mek a ni. Aizawl veng hrang hrangah zawrh mek a ni tawh. Zo Agri Business chuan a tum ber zawk chu Mizorama tharchhuah a lo tam huna ramdanga thawnchhuah a ni. 2016 atang khan theih tawp chhuahin a lokal pui char char tawh a, Mizoramah a tha duh tih a chiang tawh a ni.

THLAI ZAM CHI A NI

Sacha Inchi hi thlai zam chi a ni a. A zamna hautak vak lo siam sak a ngai. A dam chen hi kum 30 tih a ni a, enkawl that dan leh a chinna hmuna zirin kum 50 pawh a dam thei niin an sawi.

thlai kumhlunA kung hi ft 9 danah tal kung khat leh kung khat hi a inhlat tur a ni a. Hectare khatah kung 1700 vel phun theih tura chhut a ni. Tin khat hmunah chuan kung 700 bawr vel a phun theih dawn tihna a nih chu. A chi kg 1 ah mu 800 chuang hret a awm a, a mu len leh tet dan azirin mu 800 atanga mu 830 thleng te a awm.

A CHI CHUNGCHANG

A chi hi kg 1 ah Rs. 2000 in Zo Agri Business chuan kumin atangin a pe chhuak reng a. Society dinna khuaah erawh chuan a chi leina nei lo, mi taimate tan a tharchhuaha rulh leh turin a pe bawk dawn a ni.(Hei hi society hruaitute thlanchhuah tur a ni)

Zo Agri Business hnen atanga a chi an lei te chu 80% tal a tiak tur a ni a. 80% a tiak lo a nih chuan a tiak lo zawng kha thleng leh tur a ni.

SACH INCHI RAH CHHOH DAN

Phun atanga thla 5 na velah par chhuah tan a, thla 7 or 8 naahba rah tan a. A rah hi a hringa lawh tur a ni lo a, a kunga a ro hnuah lawh chauh tur a ni.

Thla 11 na velah a rah a lawh theih tan. Season a nei hran lo a, kum tluan a rah deuh reng a. Mizoramah chuan May, June thla velah a par hun vanglai a ni. A kum khatnaah chuan kung khat hian kg chanve vel a rah a. A kum hnih or kum thumna atangin kg 2 te a rah ve thei. A kung a puitlin hnuah phei chuan enkawl teh chiam a ngai tawh loa, a khat tawka a rah lawh thin tur a ni.

Hrechiang duh tan leh ngaihven zui duh tan-

Zo Agri Business Solution
Edentha, Aizawl
Phone: 9856445442/8259985003

Post a comment

Powered by Blogger.