Naktuk inthlanpui vote thlak ni-ah a vawi khatna atan assembly bial tinah hmeichhe hlangin an enkawl, Pink Polling Station tia vuah hman a ni dawn.
Mizoram-ah chuan heng hmeichhe hlang duty-na tur Pink Polling Station-te hi ‘Dingdi’ tia vuah an nih thu Chief Electoral Officer Ashish Kundra-a’n a sawi a. Aizawl District-ah chuan Tuivawl Constituency-a Darlawn II Polling Station, Chalfilh biala Phullen II; |awi bialah Keifang II; Aizawl North I-ah Chaltlang III; Aizawl North II-ah Ramhlun North I; Aizawl North II-ah Electric III; Aizawl East I-ah Zemabawk III;Aizawl East II-ah Chhinga Veng IV; Aizawl West I-ah Zotlang II; Aizawl West II-ah Vaivakawn II; Aizawl West III-ah Bungkawn IV; Aizawl South I-ah College Veng I; Aizawl South II-ah Mission Veng II; Aizawl South III-ah Hlimen I polling station-te chu hmeichhe hlangin an vilin vote thlaktute an buaipui dawn a.
Lunglei Dist.-a chuan South Tuipui bialah - Hnahthial IV polling station te, Lunglei North-ah Serkawn I; Lunglei East-ah Electric Veng I; Lunglei West-ah Venglai II; Lunglei South-ah Lunglawn I; Thorang bialah Lungsen II; West Tuipui-ah Tlabung I te chu Dingdi polling station atana puan an ni a.
Champhai Dist.-ah chuan Lengteng biala Kawlkulh II polling station te, Tuichang bialah Khawzawl 9; Champhai North-ah Keitlangfang; Champhai South-ah Chhungte; East Tuipui-ah Dungtlang polling station-te chu Dingdi polling station atana puan an ni a.
Serchhip Dist.-ah chuan Serchhip Constituency-ah Serchhip 17 polling station, Hrangturzo bialah Bungtlang leh Tuikum bialah Chhiahtlang III te pink polling station an ni.
Mamit Dist-ah chuan Hachhek bialah Zawlnuam Vengpui; Dampa bialah W. Phaileng Dinthar I leh Mamit bialah Hmar Veng I te chu pink polling station a ni a.
Lawngtlai Dist.-ah chuan Tuichawng constituency-ah Saizawh West polling station; Lawngtlai West-ah Chawnhu polling station leh Lawngtlai East bialah Lawngtlai Electric veng polling station te Dingdi polling station atan puan an ni.
Siaha Dist.-ah chuan Palak bialah Meisavaih West polling station; Siaha constituency-ah Sipa Bazar te Dingdi polling station atan puan an ni.
Dingdi polling station-ah hian polling official-te bakah venhim hna thawktute pawh hmeichhia vek an ni dawn a ni. -AIR Aizawl
Post a Comment