Sports Minister Robert Romawia Royte-in Central Minister-te A Hmuh - TIMES OF MIZORAM

Breaking

Home Top Ad

Post Top Ad

Sports Minister Robert Romawia Royte-in Central Minister-te A Hmuh

Sports Minister Robert Romawia Royte
INFIAMNA CHANCHINTHAR: New Delhi a cham mek Sports Minister Pu Robert Romawia Royte chuan Union Minister hrang hrangte kawmin Mizoram mamawhte a sawipui a, Union Housing & Urban Affairs Minister, Hardeep Sing Puri a kawm a, Mizorama Sports hmasawnna ruhrel tihchangtlun dan tur leh Aizawl khawpuia kawng chhawng, Flyover leh leihnuai kawng Tunnel siam chungchanga Central Sorkar leh International Fund hmuh dan turte a sawipui.


Pu Robert Romawia Royte hian Union Youth Affairs & Sports Minister, RS Rathore pawh kawmin Mizo thalaiten sports lama hma an sawn mek dan leh nasa leh zuala hma an sawn theihnana tanpui an ngaihnate a hrilh a.Mizoram Sports & Youth Services Department in Union Sports Ministry a DPR a submit tawhte chu sanction ngei turin a ngen bawk a ni.

Minister Pu Romawia Royte chuan JICA Chief Representative, Katsuo Matsumoto pawh kawmin JICA puihnaa Aizawl atanga Tuipang thlenga 2-Lane Road siam chungchangte, JICA puihnaa Aizawl khawpui tihhmasawn dan turte, Sports Complex lian tham siam dan turte, Mizoram Toourism leh Leimin leh lei che avanga hmun himlo laite siamtha tura JICA nena thawhho Mizoram sorkarin a duhthu te leh Ministry of Finance pawhin an tuipui thute a hrilh a, Katsuo Matsumoto pawhin Zoram tihhmasawn nana thawhho an inhuam thu a sawi a, Minister kaltlanga Chief Minister Pu Zoramthanga'n Mizoram zin tura a sawmna chu lawmawm a tih thu sawiin Mizorama a zin thuai tur thu a hrilh a ni.


Minister Pu Robert Romawia Royte hian Secretary, Ministry of Tribal Affairs, Deepak Khendelkar pawh kawmin Tribal Ministry atanga Sports tih hmasawn dan tur leh Zai leh hnam lam lama thawhho dan turte a sawi pui a.Mizoramin Independent a sualna tihchak nana Kum 1974 daih tawha Mizo tlangval rualin ke nghata Arakan atanga China an kal thlen hriatrengna leh zahna Function Tourism Department in a siam tur atan Sum tanpuina pe ve tura a dilna chu a tihhlawhhlin tur thu Union Secretary hian Minister chu a hrilh a ni.

Pu Robert Romawia Royte hian Union Tourism Minister, K.J Alphons pawh hmuin Kristianna hmanga zin mite hip theihna remchang tam tak Mizoramah a awm thu hrilhin Tourism Ministry Scheme pakhat PRASAD hmanga Kristian hmun pawimawhte khualzin hip thei zawnga tih changtlun a rawt a, Union Minister chuan a theih ang ang a lo ngaihtuahpui a tiam a ni. - DIPR

No comments:

Post a Comment

Post Bottom Ad